A necesidade de adecua-lo cadro de persoal da Consellería da Presidencia e Administración Pública ás súas necesidades de funcionamento, fai necesario modifica-la vixente relación de postos de traballo da devandita consellería.
En consecuencia, por proposta da Consellería da Presidencia e Administración Pública, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia, na súa reunión do día vinte de xaneiro de dous mil, adoptou o seguinte
ACORDO:
1º Modifica-la vixente relación de postos de traballo da Consellería da Presidencia e Administración Pública, nos termos que se sinalan no anexo a este acordo.
2º Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do vinte de xaneiro de dous mil, relativo á modificación da relación de postos de traballo da Consellería da Presidencia e Administración Pública, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 21 de xaneiro de 2000.
Jaime Pita Varela
Conselleiro da Presidencia e Administración Pública
ANEXO
Na relación de postos de traballo da Consellería da Presidencia e Administración Pública, publicada no DOG nº 227, do 27 de novembro de 1995, prodúcense as seguintes modificacións:
Persoal funcionario
Supresións:
Na páxina 8.668, no centro de destino SECRETARÍA XERAL, amortízase o posto de traballo PR.C02.00.000.15770.007-POSTO BASE GRUPO A.
Creacións:
Na páxina 8.673, no centro de destino DELEGACIÓN PROVINCIAL PONTEVEDRA, engádese o seguinte posto de traballo de nova creación:
Código do posto: PR.C99.10.000.36001.007.
Denominación: AUXILIAR ADMINISTRATIVO.
Vacante: SI.
Nivel: 12.
Complemento específico: 451.800.
Tipo posto: N.
Forma provisión: C.
Grupo: D.
Corpo/escala: XERAL.