De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-la proposta de resolución do procedemento sancionador que se instrúe, por infracción administrativa á Lei 7/1992, do 24 de xullo, de pesca fluvial, (DOG nº 151, do 5 de agosto) e do seu regulamento, por non ser posible a súa notificación.

O interesado dispón dun prazo de quince días, contados a partir do seguinte ó da publicación desta notificación, para formular cantas alegacións crea pertinentes. No mesmo prazo ponse o procedemento de manifesto para trámite de vista se o considera oportuno. O expediente pode ser examinado na delegación provincial desta consellería, sita no edificio administrativo de Servicios Múltiples-Monelos-A Coruña.

Rematado o prazo que se sinala, esta proposta, xunto con tódolos documentos que constan no expediente, remitiranse ó delegado provincial da Consellería de Medio Ambiente no primeiro caso e ó director xeral de Montes e MAN no segundo, para a resolución do procedemento.

O que se lles comunica de acordo coa normativa antes citada e co establecido no Regulamento do procedemento para o exercicio da potestade san-

cionadora, aprobado polo Real decreto 1398/1993, do 4 de agosto (BOE nº 189, do 9 de agosto).

A Coruña, 24 de novembro de 1999.

Rogelio Aramburu Núñez

Delegado provincial da Coruña

ANEXO

Expediente: P-98/0192.

Denunciado: Javier Touriño Rodríguez.

DNI: 32.406.209.

Último enderezo coñecido: Zalaeta, 20-4º, A Coruña.

Feitos denunciados: posuír dous cans de caza carecendo da documentación preceptiva.

Tipificación: artigo 57.35º da Lei de pesca; cualificación: leve.

Sanción proposta: 10.000 ptas.

Expediente: P-99/0034.

Denunciado: Jesús Nieves Vieites.

DNI: 33.287.933.

Último enderezo coñecido: Sta. Lucía-Aldrei-Marrozos, 15703 Santiago de Compostela (A Coruña).

Feitos denunciados: pescar utilizando artefactos ou utensilios de uso non permitido.

Tipificación: artigo 35.5º da Lei de pesca en concordancia co artigo 92.5º do seu regulamento; cualificación: grave.

Sanción proposta: 500.001 ptas. Inhabilitación un ano e un día.