O Pleno do Concello de Cambre, na súa sesión con data do 28 de outubro do ano 1999, acordou aprobar definitivamente o estudio de detalle para a ordenación de volumes e fixacións de aliñacións e rasantes en Pumar Méndez-Cambre, elaborado polos arquitectos Manuel Barcala Iglesias e Emilio Arguiz Vázquez e promovido por Antonio Rivas Cupeiro e Luis García Otero.

O que se fai público de conformidade co establecido no artigo 48.2º da Lei 1/1997, do solo de Galicia.

Esta resolución, de conformidade co establecido no artigo 109 da Lei 30/1992, pon fin á vía administrativa. A teor do establecido nos artigos 107 e 116 da citada lei poderá recorrerse potestativamente en reposición ou impugnala directamente ante a xurisdicción contencioso-administrativa.

O prazo para interpoñe-lo recurso de reposición é dun mes contado desde o día seguinte ó da última publicación deste anuncio e deberá presentalo ante o mesmo órgano que a dictou, segundo o establecido no artigo 117 da Lei 30/1992.

O prazo para interpoñe-lo recurso contencioso-administrativo é de dous meses contados desde o día seguinte ó da última publicación deste anuncio, e deberá presentalo perante o Xulgado do Contencioso-Administrativo da Coruña ou na Sala do Contencioso-Administrativo do Tribunal Superior de Xustiza de Galicia, segundo a distribución competencial establecida nos artigos 8 e 10 da Lei 29/1998, do 13 de xullo, reguladora da xurisdicción contencioso-administrativa, todo isto sen prexuízo de que poida exercer, de se-lo caso, calquera outro recurso que considere procedente.

Cambre, 17 de novembro de 1999.

Augusto Rey Moreno

Alcalde en funcións