Autorizado e aprobado o proxecto da liña eéctrica de referencia, para instalar nos termos municipais

de Xermade (Lugo) e As Pontes de García Rodríguez (A Coruña), por Resolución do 21 de maio de 1999, da Dirección Xeral de Industria (DOG nº 116, do 18 de xuño), e declaradas de utilidade pública, en concreto, as súas instalacións, por Resolución do 21 de maio de 1999, da Dirección Xeral de Industria (DOG nº 116, do 18 de xuño), a favor da sociedade Sotavento Galicia, S.A., con domicilio na rúa do Hórreo, nº 94, entresollado, 15702 Santiago de Compostela.

A referida declaración de utilidade pública leva implícita a necesidade de ocupación dos bens e a adquisición dos dereitos afectados pola execución do proxecto aprobado, e a declaración de urxente ocupación, de conformidade co Decreto 205/1995, do 6 de xullo, (DOG do 17 de xullo), da Consellería de Industria e Comercio que regula o aproveitamento da enerxía eólica na Comunidade Autónoma de Galicia, e a Lei 54/1997, do 27 de novembro, do sector eléctrico (BOE do 28).

En consecuencia, fáiselles saber ós titulares propostos dos predios que se conteñen na relación anexa, ós que se lles practicará notificación para o efecto, que os días 15, 16 e 17 de febreiro de 2000 o representante da Administración, acompañado dun perito constituiranse nos predios para a toma de datos e, posteriormente, nas oficinas da Casa do Concello das Pontes de García Rodríguez redactaranse as actas previas á ocupación, de conformidade cos artigos 52 da Lei de expropiación forzosa do 16 de decembro de 1954, e 56 do seu Regu

lamento do 26 de abril de 1957, nas que se describirán os bens obxecto de expropiación e servidume, e se farán consta-las manifestacións e os datos que sexan útiles para determina-los dereitos afectados.

Esta resolución publícase no DOG, no BOP, e xornais La Voz de Galicia e El Correo Gallego, solicitando a súa exposición no taboleiro de edictos da Casa do Concello das Pontes de García Rodríguez.

Advírteselles ós interesados que no día e a hora sinalados poderán facerse acompañar dos seus peritos e dun notario, á súa costa, e formular por escrito ante esta delegación ata aquel momento as alegacións, para os únicos efectos de corrixir posibles erros padecidos ó relaciona-los bens e dereitos obxecto de expropiación de superficies en solo ou de imposición de servidume de voo.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 30 de decembro de 1999.

Jesús Espada Martínez

Delegado provincial da Coruña

Relación de propietarios, bens e dereitos afectados para expropiación

Liña A.T. 132 kV parque eólico Sotavento á subestación de Mourela. Provincia da Coruña. Concello das Pontes de García Rodríguez.