A Comisión de Goberno do Concello de Viveiro, en sesión que tivo lugar o día 27 de decembro de 1999, deu aprobación ó expediente para a contratación, en concurso por procedemento aberto e tramitación urxente, da subministración e instalación de equipamento informático para os servicios municipais do concello, segundo o que segue:

1. Obxecto do contrato: é obxecto do contrato a subministración e instalación do material informático que se especifica no cadro de características técnicas que se inclúe como anexo I ó prego de cláusulas administrativas.

2. Tipo de licitación: o orzamento do contrato, que servirá de base de licitación, ascende a un total de doce millóns duascentas mil pesetas (12.200.000), IVE incluído.

3. Pagamento do prezo de adxudicación da subministración: o pagamento do prezo do remate efectuarase contra acordo aprobatorio da certificación da instalación e funcionamento das diferentes unidades de equipamento, dentro dos tres meses seguintes á expedición daquela.

4. Cumprimento do contrato: a subministración e instalación farase efectivo no prazo máximo dun mes, contado desde a subscrición do contrato administrativo.

5. Publicidade do prego de cláusulas administrativas particulares e do cadro de prescricións técnicas: estarán de manifesto tódolos días hábiles no Negociado de Urbanismo e Contratación, en horario de 8 a 15 horas.

6. Garantías. Provisional: non se esixe. Definitiva: catrocentas oitenta e oito mil (488.000) pesetas.

7. Presentación de proposicións: durante os 13 días naturais seguintes ó da publicación do anuncio de licitación no último dos boletíns oficiais (BOP e DOG). No caso de que o día décimo terceiro coincida en sábado, domingo ou festivo, entenderase prorrogado o prazo ata o día laborable seguinte.

8. Modelo de proposición: o recollido no artigo 15 C) do prego de cláusulas administrativas.

Viveiro, 10 de xaneiro de 2000.

César Aja Mariño

Alcalde