A Comisión de Goberno, en sesión do 14-12-1999, acordou inicia-los trámites para a contratación do servicio que seguidamente se indica, e para tal efecto aprobou o correspondente prego de cláusulas administrativas particulares, que se expón xunto con este anuncio polo prazo de catro días para reclamacións, e ordenou anuncia-lo seguinte concurso público.
Entidade adxudicadora: Concello de Lalín. Praza do Concello, número 1. 36500-Lalín. Teléfono 986 78 70 60. Fax 986 78 20 42.
Obxecto: servicio de mantemento e conservación das zonas verdes, parques, xardíns e arboredo do municipio de Lalín e das instalacións deportivas do campo de fútbol M. Ángel Cortizo.
Orzamento: 18.000.000. de pesetas para o lote 1. (4.500.000 ptas. IVE incluído por cada anualidade), e 5.200.000 ptas. para o lote 2 (1.300.000 ptas. IVE incluído por cada anualidade).
Duración do contrato: 4 anos (2000 a 2004).
Modalidade de adxudicación: concurso público, procedemento aberto e tramitación urxente.
Garantía provisional: 2% do orzamento.
Exame do expediente: os licitadores poderán examina-lo expediente na secretaría xeral do concello en horas de oficina, de luns a venres e ata o día anterior ó do remate do prazo de presentación de proposicións.
Lugar e prazo de presentación de proposicións: este anuncio será publicado no DOG e no BOP de Pontevedra e as proposicións presentaranse no rexistro xeral do concello ou na forma establecida no prego de condicións, dentro do plazo de 13 días naturais contados a partir do día da publicación do último dos anuncios indicados das nove ás catorce horas. As ofertas manteranse durante tres meses.
Apertura de proposicións: a apertura das proposicións terá lugar na casa do concello, ás doce trinta horas do seguinte día hábil ó da finalización do prazo de presentación de ofertas; para estes efectos considéranse os sábados como días inhábiles.
O pagamento deste anuncio será por conta do adxudicatario.
Lalín, 5 de xaneiro de 2000.
Camilo González Bodaño
Alcalde accidental