Advertidos erros na orde publicada no DOG nº 248, do 27 de decembro de 1999, cómpre efectua-las seguintes correccións:

Na páxina 15.120, anexo I da dita orde, onde di: «O cuarto exercicio, consistirá en expoñer oralmente, durante un tempo máximo de setenta minutos, dous temas de dereito constitucional, comunitario e autonómico, un do 1 ó 20 e outro do 21 ó 40, dous temas de dereito administrativo, un do 1 ó 29 e outro do 30 ó 55; dous de Facenda pública e un de dereito penal. Os temas serán designados ó chou, expoñeranse polo orde indicado e o tempo mínimo dedicado á exposición de cada tema non poderá ser inferior a cinco minutos», debe dicir: «O cuarto exercicio consistirá en expoñer oralmente, durante un tempo máximo de setenta minutos, dous temas de dereito constitucional, comunitario e autonómico, un do 1 ó 24 e outro do 25 ó 42; dous temas de dereito administrativo, un do 1 ó 30 e outro do 31 ó 57; dous de Facenda pública e un de dereito penal. Os temas serán designados ó chou, expoñeranse pola orde indicada e o tempo mínimo dedicado á exposición de cada tema non poderá ser inferior a cinco

minutos».