Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de portos do Estado e da mariña mercante, na Lei 22/1998, de costas, no seu regulamento, aprobado por Real decreto 1471/1989, do 1 de decembro, e nas demais normas de procedente aplicación, acordouse en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa, as seguintes concesións en dominio público portuario, con suxeición ás condicións estipuladas nos pregos de condición correspondentes.
Resolución: 16-11-1999.
Obxecto: ocupación do edificio da estación marítima.
Porto: Goián.
Adxudicatario: Concello de Tomiño.
Prazo: 15 anos.
Resolución: 3-12-1999.
Obxecto: modificación da concesión destinada á construcción de fábrica de fariña de peixe, fábrica de alimentos para animais, almacén de contedores, edificio de talleres e outros usos da fábrica de conservas.
Porto: Bodión.
Adxudicatario: Jesús Alonso, S.A. (JEALSA).
Prazo: ata o 2-8-2017.
Contra os citados actos administrativos, que esgotan a vía administrativa, cabe interpor recurso contencioso-administrativo ante, á elección do interesado, no Xulgado do Contencioso-Administrativo de A Coruña ou ante o xulgado do contencioso-administrativo competente na circunscripción onde teña aquél o seu domicilio, no prazo de dous (2) meses contados a partir do día seguinte ó da publicación da resolución, facendo público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999 do 14 de xaneiro.
Santiago, 21 de decembro de 1999.
Agustín Hernández Fernández de Rojas
Presidente do ente público Portos de Galicia