Visto o expediente de revogación do título-licencia á axencia de viaxes, Viajes Franqueira, S.L., sita no edificio Área Central, polígono das Fontiñas, local L-32F, en Santiago de Compostela, da que é o seu representante legal Carlos Elizchea Pazos.

Resultando que a Inspección de Turismo constatou a inactividade da referida axencia de viaxes desde hai máis de tres anos, destinándose o mesmo local a outra actividade distinta.

Resultando que con base no establecido no artigo 12 e) do Decreto 155/1989, do 22 de xuño, polo que se aproba o Regulamento das axencias de viaxes de Galicia, notificóuselle á citada axencia, mediante oficio do 16 de marzo de 1998, que a inactividade sen causa xustificada, ó longo dun ano continuado é causa de revogación do título-licencia, concedéndoselle un prazo de 15 días para efectua-las alegacións que estimase pertinentes.

Resultando que nese prazo o interesado non efectuou alegacións.

Considerando que, segundo establece o devandito artigo 12 do Decreto 155/1989, do 22 de xuño, constitúe causa de revogación do título-licencia das axencias de viaxes non mante-la actividade da axencia ó longo dun ano continuado sen causa xustificada.

Vistos a Lei 1/1983, do 22 de febreiro, reguladora da Xunta e do seu presidente, a Lei 30/1992, do 26 de novembro, de réxime xurídico das administracións públicas e do procedemento administrativo común modificada pola Lei 4/1993, do 13 de xaneiro, e o Decreto 155/1989, do 22 de xuño, polo que se aproba o Regulamento das axencias de viaxes de Galicia, esta consellería

RESOLVE:

Revoga-lo seu título-licencia á axencia de viaxes Viajes Franqueira, S.L., co código identificativo XG-111 e casa central no edificio Área Central, polígono das Fontiñas, local L-32F, en Santiago de Compostela.

Contra esta resolución, o interesado poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 2 de decembro de 1999.

P.O. (Orde 20-2-1998)

Aurelio Miras Portugal

Director xeral de Turismo