De conformidade co disposto no título IX da Lei 54/1997, do 27 de novembro, do sector eléctrico (BOE do 28 de novembro), e decretos 2617 e 2619/1966, do 20 de outubro, sobre instalacións eléctricas (BOE do 24 de outubro), de aplicación transitoria, incóase o expediente e sométese á información pública a solicitude de Unión Fenosa Distribución, S.A., con enderezo na Avda. de Arteixo, 171, da Coruña, como entidade beneficiaria, para a autorización administrativa; a declaración de utilidade pública, que levará implícita a urxente ocupación, para os efectos de expropiación forzosa e imposición de servidumes de paso sobre os bens e dereitos que se afecten; e a aprobación do proxecto de execución das instalacións das:

Liñas eléctricas aéreas de media tensión a 15/20 kV, sobre apoios metálicos e de formigón e con conductor LA-56.

-De 1.970 m de lonxitude, con orixe no apoio nº 10 da liña que alimenta o C.T. Aiazo (expediente 31425) e final no C.T. Tambre, que se vai instalar.

-De 452 m de lonxitude, con orixe no apoio nº 5 da liña que alimenta o C.T. Tambre e final no C.T. A Torre, que se vai instalar.

-150 m de lonxitude, con orixe no apoio nº 5 da liña que alimenta o C.T. Tambre e final no C.T. O Fontelo.

Centros de transformación nos lugares de Tambre e A Torre, tipo intemperie, de 50 kVA e tensións de 15/0,380-0,220 kV.

Redes de baixa tensión sobre apoios de formigón e con condcutor R.Z. de 30 m, 20 m e 20 m, saíndo respectivamente dos centros de transformación de Tambre, A Torre e O Fontelo. Coa finalidade de mellora-la seguridade e calidade da subministración

das zonas de Tambre, A Torre e O Fontelo. No termo municipal de Frades. (Expediente 294/1999).

O que se fai público para o coñecemento xeral en especial dos propietarios e demais titulares afectados dos que se insire relación no anexo desta resolución, así como das persoas que sendo titulares de dereitos reais ou intereses económicos sobre os bens afectados que fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada no edificio administrativo Monelos s/n, 15071 A Coruña, e presenta-las alegacións oportunas no prazo de 30 días, contados desde o seguinte á última publicación desta resolución.

Esta publicación realízase igualmente para os efectos do artigo 59.4º da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares dos predios propostos como descoñecidos ou cando se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

A Coruña, 25 de novembro de 1999.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 294/1999 Provincia: A Coruña.

L.M.T. ó C.T. FonteloTermo municipal: Frades.

SoloVoo

NºLugarCultivoNome e apelidosEnderezonº apoiommlm

Relación de propietarios, bens e dereitos afectados

Expediente: 294/1999 Provincia: A Coruña.

L.M.T., C.T. TambreTermo municipal: Frades.

SoloVoo

NºLugarCultivoNome e apelidosEnderezonº apoiommlm

SoloVoo

NºLugarCultivoNome e apelidosEnderezonº apoiommlm

Relación de propietarios, bens e dereitos afectados

Expediente: 294/1999 Provincia: A Coruña.

L.M.T., C.T. TorreTermo municipal: Frades.

SoloVoo

NºLugarCultivoNome e apelidosEnderezonº apoiommlm