Atopándose en fase de información pública o expediente de solicitude de outorgamento de concesión administrativa de ocupación de dominio público portuario no porto de Baiona, para a construcción e explotación de instalacións náutico-recreativas presentada por Inmobiliaria Meridional, S.A., a empresa Ronáutica, S.A. presentou unha solicitude alternativa, polo que procede a tramitación en competencia de ámbalas dúas solicitudes.
O que se somete a información pública, en cumprimento do disposto na Lei 27/1992, do 24 de novembro, de portos do Estado e da mariña mercante, modificada pola Lei 62/1997, do 26 de decembro, para que as persoas e entidades interesadas poidan presentar por escrito as alegacións que consideren oportunas, nas oficinas centrais deste ente público, situadas na praza de Europa, 5 A- 6º polígono das Fontiñas, 15707 Santiago de Compostela, para o que disporán dun prazo de vinte (20) días hábiles, contados a partir do seguinte ó da publicación deste anuncio no Diario Oficial de Galicia, podendo examina-los proxectos correspondentes neste mesmo prazo nas oficinas indicadas.
Santiago de Compostela, 17 de decembro de 1999.
Manuel García Blanco
Xefe do Área de Planificación e Explotación