Para os efectos previstos no artigo 73 da Lei 34/1998, do 7 de outubro, do sector de hidrocarburos e no artigo 11 do Regulamento xeral de servicio público de gases combustibles, aprobado por Decreto 2913/1973, do 26 de outubro, sométese a información pública o seguinte proxecto de autorización administrativa.

Peticionario: Repsol Butano, S.A. con enderezo na praza da Palloza, nº 3-2º, A Coruña.

Obxecto da petición: autorización administrativa para a distribución de gas propano canalizado na vila de Pontedeume, provincia da Coruña, de conformidade co proxecto presentado para o efecto.

Descripción das instalacións: centro de almacenamento, composto por dous depósitos para G.L.P., aéreos, de 59,4 m de capacidade unitaria, dotado de equipo de gasificación, regulación e transvasamento adecuados ás necesidades de consumo.

Rede de distribución en M.P.B. (1,75 kg/cm) con encanamento en polietileno de media densidade, cunha lonxitude total de 5.982 m e diámetros de 160, 110, 90, 63 e 40 mm. Fóra do centro de almacenamento discorrerá soterrada por zonas públicas e calcularase tanto para G.L.P. como para gas natural.

Área de autorización: a solicitude de autorización administrativa afecta á vila de Pontedeume, na provincia da Coruña.

Orzamento: cento trinta e sete millóns duascentas tres mil duascentas sesenta e tres pesetas (137.203.263 ptas.).

O que se fai público para coñecemento xeral e para que todas aquelas persoas naturais ou xurídicas que se consideren prexudicadas nos seus dereitos poidan presenta-las súas alegacións no prazo de 20 días a partir da data de publicación deste anuncio, podendo examina-lo proxecto de autorización administrativa na Dirección Xeral de Industria, edificio San Caetano, en Santiago de Compostela, así como na Delegación Provincial da Consellería de Industria e Comercio na Coruña.

Santiago de Compostela, 14 de decembro de 1999.

Ramón Ordás Badía

Director xeral de Industria