O Pleno do Concello de Vigo, en sesión do día 25 de outubro de 1999, acordou aprobar definitivamente a delimitación de polígono na unidade reparcelable do núcleo 01.02 O Carregal C (Alcabre), cunha superficie de 6.889 m coincidente coa propiedade de Manuel D. Vázquez Fernández, inscrita no Rexistro da Propiedade nº 2 de Vigo, tomo 75, predio nº 6350, determinando como sistema de actuación o de compensación, e o estudio de detalle do referido polígono, conforme a documentación ela

borada polo arquitecto Enrique Rodríguez Alfaro, con data de visado polo COAG do 26 de febreiro de 1999.

Contra o devandito acordo, que pon fin á vía administrativa, poderá interpoñerse un dos seguintes recursos:

a) Recurso potestativo de reposición ante o Pleno do Concello de Vigo, no prazo dun mes contado a partir do día seguinte ó de publicación deste anuncio.

b) Recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó de publicación deste anuncio.

En todo caso, o recurso de reposición soamente ten cabida no que se refire á delimitación do polígono; non obstante, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo máximo dun mes para dictar e notifica-la resolución.

c) Calquera outro recurso que coide oportuno interpoñer e sexa procedente.

De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio, e publicación no taboleiro de edictos do concello, notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Vigo, 18 de novembro de 1999.

Lois Pérez Castrillo

Alcalde-presidente da Xerencia Municipal de Urbanismo