A orde da Consellería da Presidencia e Administración Pública do 26 de outubro de 1999 regulaba as bases para a convocatoria de seis bolsas para a incorporación de titulados superiores ó Centro de Investigacións Forestais de Lourizán.

Na base 8 do anexo I da citada orde determinábase o proceso de constitución da comisión de selección e os criterios de selección que deberían ter en conta para a selección dos aspirantes.

Na base 9 establecíase o procedemento de resolución da convocatoria por resolución conxunta do secretario xeral de Investigación e Desenvolvemento e o director xeral do Centro de Información e Tecnoloxía Ambiental.

Na súa virtude e atendendo á proposta elaborada pola comisión de selección, a Secretaría Xeral de Investigación e Desenvolvemento e a Dirección Xeral do Centro de Información e Tecnoloxía Ambiental,

RESOLVEN:

Primeiro.-Concederlles bolsa de incorporación a proxectos de investigación do Centro de Investigacións Forestais de Lourizán ás persoas que se relacionan no anexo I desta resolución.

Segundo.-No caso de que se producise algunha renuncia ás bolsas a que se refire o anexo I, a Dirección Xeral do Centro de Información e Tecnoloxía Ambiental, tendo en conta o remanente de crédito, poderá adxudicarlle-la correspondente bolsa a outro dos candidatos, de acordo coa lista de suplentes que figura no anexo II desta resolución e na mesma orde.

Terceiro.-O incumprimento por parte dos beneficiarios de calquera das bases establecidas na orde da convocatoria do 26 de outubro (DOG do 5 de novembro) suporá a perda do dereito a percibi-la axuda correspondente.

Cuarto.-Contra esta resolución poderase interpoñer recurso de alzada perante o conselleiro da Presidencia e Administración Pública no prazo dun mes contado a partir do día seguinte ó da data da súa

publicación no DOG, de acordo co disposto nos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Quinto.-O desfrute da bolsa unha vez aceptada polo beneficiario contará desde o 15 de decembro de 1999 ó 15 de decembro de 2000.

Santiago de Compostela, 13 de decembro de 1999.

Juan José Casares LongMiguel Ángel Ríos Fernández

Director xeral do Centro deSecretario xeral de Investigación

Información e Tecnoloxíae Desenvolvemento

Ambiental

ANEXO I

ANEXO II