Perante este Xurado Provincial de Montes Veciñais en Man Común tramítanse os expedientes de clasificación dos montes coas características que a seguir se indican:
Expediente número 6/1999.
Denominación: montes de Donís.
Comunidade propietaria: veciños do lugar de Donís.
Parroquia: Donís.
Concello: Cervantes.
Superficie: 110 hectáreas.
Estremas:
Norte: termos de Castelo, O Pando, O Mazo e Moreira. Leste: termo de Piornedo. Sur: termos de Xantes e Vilarello. Oeste: Vilar e Cabana Xaraz.
Descrición do perímetro:
Polo norte segue o curso do río Ser augas arriba dividindo cos montes de Castelo, O Pando, O Mazo e Moreira. Polo leste divide co termo de Piornedo polos predios particulares deste. Polo sur divide con Xantes e Vilarello, polo río de Piornedo e polo oeste
divide con Vilar e Cabana Xaraz polo río de Robledo ata a súa confluencia co río Ser.
Expediente número 7/1999.
Denominación: montes de Piornedo.
Comunidade propietaria: veciños do lugar de Piornedo.
Parroquia: Donís.
Concello: Cervantes.
Superficie: 710 hectáreas.
Estremas:
Norte: co río Ser, dividindo co termo de Moreira. Leste: provincia de León. Sur: provincia de León, e monte de Xantes e Vilarello. Oeste: monte de Xantes e Vilarello, e montes e termo de Donís.
Descrición do perímetro:
Polo norte dividindo termo con Moreira, segue o curso do río Ser augas arriba ata chegar á mouteira do límite coa provincia de León. Polo leste segue esta mouteira ata subir a Penalonga e o Mostellar, e polo sur ata o Pico da Lanza, onde xa empeza a lindar co monte de Xantes e Vilarello. Polo oeste segue con este último na dirección sur-norte baixando por todo o teso que divide augas por Campa del Tormantes, Campa de Agulleiro, Pena de Pandeliños, Cotarón, Pena de Castro e Campa de Pumares, xa no río de Ponte de Bous. De aquí atravesa os predios particulares na dirección noreste dividindo termo con Donís, ata chegar ó río Ser.
Dentro do perímetro así descrito quedan comprendidos tódolos predios particulares e termo de Piornedo, incluso o mesmo núcleo urbano.
Expediente número 8/1999.
Denominación: montes de Fonteferreira.
Comunidade propietaria: veciños do lugar de Fonteferreira.
Parroquia: O Cebreiro.
Concello: Pedrafita do Cebreiro.
Superficie: 47 hectáreas.
Estremas:
Norte: monte de Foxos. Leste: monte de Barxamaior. Sur: monte da Lagúa de Táboas, termo e monte da Moeda, e termo de Coterces. Oeste: río Navia que divide co termo de Mata.
Descrición do perímetro:
O perímetro de todo o termo veciñal, comprendendo as dúas parcelas de monte, os predios particulares e a mesma aldea, pode describirse empezando polo extremo oeste na Pena de Lóriga, no río Navia, onde concorren con este termo os de Coterces, Modreiro e A Mata. Segue con este último polo río abaixo ata o punto da confluencia co regato de Boicela, aquí apártase do río na dirección oeste-leste subindo a media ladeira facendo límite co monte
de Foxos ata a lomba de Aquel Cabo; por esta sobe na dirección suroeste, dividindo co monte de Barxamaior ata Molinares e despois seguindo de norte a sur o camiño do Cebreiro ata Fonte do Carballo, xa limitando co monte da Lagúa de Táboas; con este vai de leste a oeste ata subir a Chao dos Carozos; aquí empeza a limitar co monte de Moeda, co que baixa de sur a norte a Valigote de Negredo e faldreando de leste a oeste chega a Fonte de Fontais, onde xa limita co termo de Coterces, co que baixa cara ó oeste ata o río Navia por Pena de Lóriga, onde se comezou.
Expediente número 9/1999.
Denominación: montes de Moeda.
Comunidade propietaria: veciños do lugar de Moeda.
Parroquia: O Cebreiro.
Concello: Pedrafita do Cebreiro.
Superficie: 28 hectáreas.
Estremas:
Norte: termo de Fonteferreira. Leste: termo e monte da Lagúa de Táboas. Sur: monte e termos de Liñares e Coterces. Oeste: termos de Liñares e Coterces.
Descrición do perímetro:
O perímetro de todo o termo veciñal, comprendendo as dúas parcelas de monte, os predios particulares e a mesma aldea, pode describirse empezando no extremo noroeste en Fonte de Fontais, onde concorren con este termo os de Coterces e Fonteferreira; con este último vai faldreando de oeste a leste ata Valigote de Negredo e de aquí de norte a sur subindo a Chao dos Carozos. Aquí empeza a limitar coa Lagúa de Táboas, coa que segue cara ó suroeste baixando por Pena de Moeda ata Outeiro, xa limitando con predios particulares do regueiro de Pradelo; sobe por este cara ó leste entre predios particulares e despois polo regueiro de Parede na dirección norte-sur sobe a Fonte Cabeira, xa moi preto da estrada de Sarria a Pedrafita. En Fonte Cabeira empeza a limitar co monte de Liñares e Coterces, primeiro na dirección noroeste llaneando ata Chao do Seixo e despois baixando por unha lomba na dirección sur-norte seguindo o camiño de Liñares a Coterces ata Travesa entre predios particulares, de onde
sobe por Cerrecín ata Fonte de Fontais, onde se comezou.
Expediente número 10/1999.
Denominación: monte de Brimbeira.
Comunidade propietaria: veciños do lugar de Brimbeira.
Parroquia: Liñares.
Concello: Pedrafita do Cebreiro.
Superficie: 24 hectáreas.
Estremas:
Norte: monte de Teixoeiras e Vilarín do Monte. Leste: termos e montes de Coterces e Liñares. Sur: termos e montes de Liñares e Coterces. Oeste: monte de Hospital.
Descrición do perímetro:
O perímetro de todo o termo veciñal, comprendendo o monte, predios particulares e a mesma aldea, pode describirse comezando polo extremo norte en Chao de Brimbeira, onde concorren con este monte os de Teixoeiras e Vilarín do Monte, e Coterces e Liñares; con este último baixa na dirección sureste por unha lomba ata o regueiro de Arroxos e despois por este arriba na dirección suroeste ata subir ó Campo de San Roque, xa na estrada de Sarria a Pedrafita, onde concorren con este monte, ademais do citado de Liñares e Coterces, o de Veiga de Forcas e o de Hospital. Con este último segue na dirección noroeste subindo polo máis alto do Campo de San Roque e baixando á Pena de Saltacarros, onde xa empeza a limitar co monte de Teixoeiras e Vilarín do Monte, co que segue en liña recta na dirección nordés subindo a Chao de Brimbeira, onde se comezou.
Expediente número 11/1999.
Denominación: montes de Lousada.
Comunidade propietaria: veciños do lugar de Lousada.
Parroquia: Lousada.
Concello: Pedrafita do Cebreiro.
Superficie: 143 hectáreas.
Estremas:
Norte: termo de Seixo. Leste: monte de Pacios. Sur: río Lor, dividindo co monte de Chan da Pena. Oeste: termo municipal do Courel.
Descrición do perímetro:
O perímetro de todo o termo veciñal, comprendendo estes montes, os predios particulares e a mesma aldea, pode describirse empezando polo norte, onde este monte e termo dividen co termo de Seixo, pola Matrema subindo a Chao de Outeiro. Aquí empeza a limitar co monte de Pacios, co que segue na dirección sudeste por Fonte do Outeiro, sendeiro de Carba, baixando a Beluqueira e polo regato das Cabanas abaixo chega ó río Lor. Polo sur segue o río Lor abaixo dividindo co monte de Chan da Pena ata chegar ás Labradas, xa no límite co termo municipal do Courel. Polo oeste segue esta Mouteira ata chegar fronte á Matrema, onde se comezou.
No perímetro así descrito para este termo veciñal de Lousada non queda incluído o monte Carbas que
estes veciños din ter en mancomunidade cos de Pacios, xa que estes xustificaron ter inscrita ó seu favor parte deste monte.
Expediente número 12/1999.
Denominación: montes de Seixo.
Comunidade propietaria: veciños do lugar de Seixo.
Parroquia: Pacios.
Concello: Pedrafita do Cebreiro.
Superficie: 180 hectáreas.
Estremas:
Norte: monte de Pallarvello e Porfía. Leste: monte e termo de Pacios. Sur: termo de Lousada. Oeste: termo municipal do Courel. Oeste: termo municipal do Courel e monte de Louzarela.
Descrición do perímetro:
O perímetro de todo o termo veciñal, comprendendo os montes, os predios particulares e a mesma aldea, pode describirse comezando polo extremo noroeste na Veiga do Navallo, onde concorren con este monte o termo municipal do Courel e o monte de Louzarela. Con este último divide de sur a norte nun pequeno treito subindo a Penelo da Roxa, aquí empeza a limitar co monte de Pallarvello e A Porfía, co que segue na dirección sueste subindo pola lomba de Escandado ata Pozo da Legua; aquí comeza a limitar co monte de Pacios, co que segue primeiro na dirección sueste baixando a Fondo do Val da Braña e despois de norte a sur por Fonte do Pradairo baixa ó regueiro de Fondestela, xa entre predios particulares, onde toma a dirección leste-oeste subindo a Chao de Outeiro; aquí empeza a limitar co termo de Lousada, co que parte por entre predios de leste-oeste pola Matrema ata chegar ó límite co concello do Courel. Polo oeste segue a mouteira entre concellos, na dirección noroeste por Pena de Vales e
Pena Longa ata chegar a Veiga do Navallo, onde se comezou.
Expediente número 14/1999.
Denominación: monte Serra do Moncaio.
Comunidade propietaria: veciños da parroquia de Fornelas.
Concello: A Pobra de Brollón.
Superficie: 61 hectáreas.
Estremas e perímetros:
Norte: predios particulares da parroquia de Fornelas. Leste: predios particulares da parroquia de Fornelas e monte comunal da parroquia de Cereixa. Sur: monte Serra Pequena, Moncaio e Cornado nº elenco 2715773 pertencente á comunidade de Rei
gada e conveniado o 24 de xuño de 1991 coa Xunta de Galicia. Límite de termo municipal entre A Pobra de Brollón e Monforte de Lemos, e monte comunal da parroquia de Reigada. Oeste: monte comunal da parroquia da Parte, e límite de termo municipal entre A Pobra de Brollón e Monforte de Lemos.
En virtude do acordado polo xurado na sesión que tivo lugar o 15 de xuño de 1999 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, por este edicto faise pública a iniciación dos expedientes indicados co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas, poidan comparecer e intervir nos expedientes iniciados e formularen perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistirlles en relación cos montes, achegando, se é o caso, a documentación que consideren conveniente ó respecto.
Lugo, 18 de novembro de 1999.
Luis González Vázquez
Presidente do Xurado Provincial de Montes
Veciñais en Man Común de Lugo
