Os comités éticos de investigación clínica son os encargados de informar tódolos ensaios clínicos que

se realicen dentro do seu ámbito territorial. A acreditación súa correspóndelle ó conselleiro de Sanidade e Servicios Sociais, de acordo co procedemento previsto no artigo 9 do Decreto 32/1996, do 25 de xaneiro, polo que se regula a realización de ensaios clínicos na Comunidade Autónoma de Galicia.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, e a disposición adicional primeira do Decreto 32/1996, do 25 de xaneiro, polo que regula a realización de ensaios clínicos na Comunidade Autónoma de Galicia, por proposta da División de Farmacia e Productos Sanitarios do Servicio Galego de Saúde,

DISPOÑO:

Artigo único.-Noméase membro do Comité Ético de Investigación Clínica de Galicia, creado pola Orde do 11 de xullo de 1996, a persoa que se relaciona no anexo.

Santiago de Compostela, 3 de decembro de 1999.

José María Hernández Cochón

Conselleiro de Sanidade e Servicios Sociais

ANEXO

Novo membro do CEIC de Galicia

Carmen Otero Chavert

(Enfermeira do CH de Pontevedra)