Faise público que, con data do 11 de novembro de 1999, se someteu a coñecemento do Pleno do Concello de Verín o avance do Plan especial de protección e reforma interior do barrio de San Lázaro e núcleo antigo de Verín.
En cumprimento do que establece o artigo 41 da Lei do solo de Galicia, anúnciase a apertura dun período de información pública por prazo dun mes, que se contará a partir do día seguinte ó da publicación deste anuncio no DOG. Durante o dito prazo, o avance do plan especial estará exposto ó público nas oficinas de urbanismo deste concello, e poderá ser consultado polas entidades e particulares, que poderán suxeri-lo que coiden oportuno e presenta-las propostas e convenios urbanísticos que consideren procedentes.
Verín, 11 de novembro de 1999.
Juan Manuel Jiménez Morán
Alcalde