De conformidade co disposto no artigo 59.4º da Lei de réxime xurídico das administracións públicas e do procedemento administrativo común, do 26 de novembro de 1992 (BOE do 27), notifícaselle á persoa que no anexo se menciona a resolución do dito expediente, por infracción da Lei 81/1968, do 5 de decembro, sobre incendios forestais e o seu Regulamento do 23 de decembro.

O importe da sanción farase efectivo a través dos impresos normalizados que lle serán facilitados na Delegación Provincial de Lugo; Ronda da Muralla, 70, no prazo de quince días hábiles contados a partir do seguinte día ó da presente publicación conforme o Real decreto 1398/1993, do 4 de agosto (BOE do 9). De non facelo dentro do prazo sinalado, procederase ó seu cobramento pola vía administrativa de constrinximento.

Non obstante, de acordo co artigo 114 da Lei de réxime xurídico das administracións públicas e do procedemento administrativo común, contra esta resolución e no prazo dun mes poderase interpoñer recurso de alzada ante o conselleiro de Medio Ambiente da Xunta de Galicia.

Lugo, 10 de novembro de 1999.

Luis González Vázquez

Delegado provincial de Lugo

ANEXO:

Expediente: IF-88/1999.

Denunciado: José Manuel López Agrelo.

DNI:34.264.225.

Enderezo: San Pedro de Calde, nº 24 - Lugo.

Feito denunciado: efectuar unha queima amoreada de mato, carecendo da preceptiva autorización de queima.

Precepto infrinxido: artigo 137.b) do Regulamento de incendios.

Cualificación infracción: grave.

Sanción: 10.000 ptas. de multa.