Tras resultar infructuosos os intentos anteriores, por medio desta cédula notifícaselle a Dolores Castromán Santos, enfermeira pertencente ó cadro de persoal fixo do Complexo Hospitalario de Santiago de Compostela, que o secretario xeral da Consellería de Sanidade e Servicio Sociais acordou, o 3 de setembro de 1999, ampliarlle-los cargos imputados no acordo de incoación de data 19-11-1998, engadindo os denunciados co escrito de data 30-8-1999 polo xerente xeral do Complexo Hospitalario de Santiago de Compostela, polos que podería incorrer nunha falta moi grave tipificada no artigo 125.1º do Estatuto do persoal sanitario non facultativo ó servicio das institucións sanitarias da Seguridade Social, polo «abandono de destino, que se producirá cando se deixe de prestar persoalmente o servicio por máis de tres días sen causa xustificada».

Esta cédula expídese para que conste e lle sirva de notificación á interesada, de enderezo descoñecido, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 1 de decembro de 1999.

Enrique Otero Seivane

Subdirector xeral de Réxime Administrativo