Convocada por Orde do 27 de setembro de 1999 (DOG nº 197, do 11 de outubro) a provisión, polo sistema de libre designación, de tres postos de traballo vacantes na Consellería de Xustiza, Interior e Relacións Laborais e resolta parcialmente pola Orde do 11 de novembro de 1999 (DOG nº 228, do 25 de novembro), de conformidade co previsto no artigo 27.2º da Lei 4/1988, do 26 de maio, da función pública de Galicia, na súa nova redacción dada polas leis 4/1991, do 8 de marzo e 3/1995, do 10 de abril, e nos artigos 16 e 17 do Decreto 93/1991, do 20 de marzo, e no uso das facultades conferidas polo artigo 15.4º da devandita lei. Esta consellería
DISPÓN:
Primeiro.-Resolve-la convocatoria pública para a provisión, polo sistema de libre designación, de tres postos de traballo vacante nesta consellería, anunciada pola Orde do 27 de setembro de 1999 (DOG nº 197, do 11 de outubro) e resolta parcialmente pola Orde do 11 de novembro de 1999 (DOG nº 228, do 25 de novembro).
Segundo.-Adxudicarlle destino, no posto de traballo que se indica, ó persoal que se relaciona no anexo desta orde.
Terceiro.-O persoal mencionado deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto.-Contra esta orde, que pon fin á vía administrativa, os interesados poderán interpor recurso contencioso-administrativo perante o Xulgado do Contencioso-Administrativo competente no prazo de dous meses contados a partir do día seguinte ó da súa publicación no Diario Oficial de Galicia.
Santiago de Compostela, 25 de novembro de 1999.
Antonio Pillado Montero
Conselleiro de Xustiza, Interior e Relacións Laborais
ANEXO I
NRP ou DNI: 3238036313A1135.
Apelidos e nome: María José Gude Sampedro.
Grupo: C.
Corpo/escala: administrativo.
Código do posto: XUC991000015001043.
Denominación: Sección de Xestión Económica e Orzamentaria (habilitación).
Nivel: 24.
Dependencia: Delegación Provincial da Coruña.
Localidade: A Coruña.