Por acordo do Concello Pleno do 25-11-1999 acordouse a redacción do Plan Xeral de Ordenación Municipal e por resolución da alcaldía do 30-11-1999 aprobáronse os pregos de condicións administrativas e técnicas que haberán de rexe-la contratación mediante concurso con procedemento aberto dos traballos de redacción do Plan Xeral de Ordenación Municipal e Cartografía, os cales se expoñen por prazo de oito días hábiles. En caso de presentarse reclamacións contra eles, apalazarase a licitación.

Así mesmo, convócase licitación de acordo coas seguintes condicións:

1. Obxecto do contrato e prazos: redacción do Plan Xeral de Ordenación Municipal e Cartografía. Prazo: 12 meses.

2. Tipo de licitación: 17.000.000 de ptas.

3. Garantías: provisional: 340.000 ptas., definitiva: 4% do prezo de adxudicación.

4. Presentación das ofertas: durante os trece días naturais seguintes ó da súa publicación no DOG.

5. Apertura das ofertas: o quinto día hábil seguinte ó do remate do prazo de presentación de ofertas, ás doce horas.

Sada, 1 de decembro de 1999.

Ramón Rodríguez Ares

Alcalde