Pola presente cédula notifícaselles ós titulares ou representantes legais das axencias de viaxes que figuran no anexo, que teñen os datos e últimos domicilios que tamén se sinalan, que a inspección adscrita a esta Dirección Xeral de Turismo constatou que as devanditas axencias non exercen a actividade desde hai máis dun ano.

Tendo en conta que, de acordo co establecido no artigo 12 a) do Decreto 155/1989, do 22 de xuño, polo que se aproba o Regulamento das axencias de viaxes de Galicia, é causa de revogación do título-licencia non mante-la actividade de axencia ó longo dun ano continuado sen causa xustificada, esta dirección xeral acordou inicia-lo expediente de revogación do título-licencia das ditas axencias, de conformidade co establecido no artigo 12 do referido decreto.

Os interesados disporán dun prazo de 15 días para efectuaren as alegacións que estimen pertinentes, podendo examina-los expedientes e obter copia dos documentos contidos neles, na Dirección Xeral de Turismo.

Para os efectos de que lles sirva de notificación ós titulares das mencionadas axencias de viaxes, en cumprimento do establecido no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1993, do 13 de xaneiro, asino e selo a presente cédula en Santiago de Compostela o 22 de novembro de 1999.

P.D. (Resolución 4-11-1999)

Antonio Díaz Otero

Subdirector xeral de Ordenación do Turismo

ANEXO