DOG 239 do 14/12/1999 - RESOLUCIÓN do 3 de decembro de 1999 pola que se anuncia a licitación, mediante procedemento aberto por concurso e trámite urxente, da contratación da asistencia técnica para a execución de expropiacións para as obras de construcción da Cidade da Cultura de Galicia.

VI. ANUNCIOS

DA ADMINISTRACIÓN AUTONÓMICA

CONSELLERÍA DE CULTURA, COMUNICACIÓN SOCIAL E TURISMO

RESOLUCIÓN do 3 de decembro de 1999 pola que se anuncia a licitación, mediante procedemento aberto por concurso e trámite urxente, da contratación da asistencia técnica para a execución de expropiacións para as obras de construcción da Cidade da Cultura de Galicia.

A Consellería de Cultura, Comunicación Social e Turismo unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, da seguinte contratación:

-Asistencia técnica para a execución de expropiacións para as obras de construcción da Cidade da Cultura de Galicia.

Orzamento de licitación: nove millóns de pesetas (9.000.000 de ptas.), IVE incluído.

Prazo de execución: nove meses (9).

Garantía provisional: dispensada.

Clasificación do contratista: non se esixe.

Exposición da documentación: o prego de cláusulas administrativas particulares e o de prescricións técnicas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.

Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.

Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.

Documentación que presentarán os licitadores: a establecida pola cláusula 7 do prego de cláusulas administrativas particulares.

Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.

Se coincidise en sábado ou festivo, terá lugar o inmediato día hábil seguinte á mesma hora.

O importe do anuncio do presente concurso correrá por conta do adxudicatario.

Santiago de Compostela, 3 de decembro de 1999.

P.D. (Orde 15-12-1997)

Andrés González Murga

Secretario xeral da Consellería de Cultura,

Comunicación Social e Turismo