O punto 3º da base sexta B) da Resolución do 23 de xullo de 1997 (DOG nº 146, do 31 de xullo), modificada por resolución da Divisón de Recursos Humanos do 28 de decembro de 1998 (DOG nº 6, do 12 de xaneiro de 1999), pola que se convoca concurso-oposición para o ingreso nas clases de inspectores médicos, inspectores farmacéuticos e subinspectores sanitarios do Servicio Galego de Saúde, dispón que os diversos exercicios da fase de oposición se realizarán no lugar ou lugares e á hora que se fixe nun acordo que o respectivo tribunal publique no Diario Oficial de Galicia.

Adoptado acordo polos respectivos tribunais sobre o lugar, data e hora de realización do cuarto exercicio da fase de oposición, de conformidade co disposto no punto 3º, da base sexta B) da citada convocatoria, procede agora darlle publicidade no Diario Oficial de Galicia, facultándose para isto expresamente a este centro directivo, polo que

RESOLVE:

Primeiro.-Convoca-los aspirantes que superaron o terceiro exercicio das clases de inspectores médicos, inspectores farmacéuticos e subinspecotres sanitarios para a realización do cuarto exercicio da fase de oposición o vindeiro día 13 de decembro de 1999, ás 17 horas, no Pazo de Congresos e Exposicións de Santiago de Compostela, sito en San Lázaro s/n.

Segundo.-O chamamento será único e serán excluídos do concurso-oposición os aspirantes que non comparezan; deben ir provistos necesariamente do documento nacional de identidade, permiso de conducir ou pasaporte e bolígrafo.

Santiago de Compostela, 30 de novembro de 1999.

Valeriano Martínez García

Director xeral da División de Recursos Humanos