A EGAP, en execución do seu plan de formación para 1999 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócase unha xornada sobre codificación e calidade das normas. Esta xornada, que se organiza en colaboración coa Asesoría Xurídica Xeral da Xunta de Galicia, realizarase conforme as seguintes bases:
1. Obxectivos.
O estudio e debate das cuestións máis importantes que se presentan en materia de codificación e calidade das normas en Galicia e nos países do noso contorno cultural.
2. Destinatarios.
A xornada vai destinada preferentemente a letrados e asesores xurídicos. O obradoiro da tarde estará reservado só para letrados e asesores xurídicos.
3. Desenvolvemento.
3.1. Data de realización: 20 de decembro de 1999.
3.2. Lugar: na sede da EGAP en Santiago de Compostela, rúa de Madrid, 2-4.
3.3. Horarios: en sesións de mañá e tarde.
4. Contido.
A codificación en España: especial referencia a Galicia. A codificación en Francia. Codificación e calidade das normas.
5. Inscrición.
As solicitudes irán dirixidas ó director da Escola Galega de Administración Pública, rúa de Madrid, 2-4, 15707 Santiago de Compostela, e presentaranse no rexistro xeral da EGAP ou por calquera das formas previstas na Lei 30/1992, do 26 de novembro, de réxime xurídico das administracións públicas e do procedemento administrativo común. O número de fax da EGAP é o 981 54 63 37.
-Forma: segundo o modelo oficial que figura ó final desta convocatoria.
-Prazo: remata o 16 de decembro. Unha vez rematado o prazo, e no caso de existiren prazas vacantes, admitiranse as peticións que cumpran os requisitos xerais da convocatoria.
6. Publicación e notificación da selección.
Os solicitantes poderán confirma-la súa selección chamando por teléfono en días laborables das 9 ás 14 h ó número 981 54 62 49 ou ben consultando a lista de seleccionados que se exporá no taboleiro de anuncios da EGAP.
7. Modificacións.
A EGAP reserva para si a facultade de interpretar e de resolve-las incidencias que puidesen xurdir no desenvolvemento da xornada, así como a de cancelala, se o escaso número de solicitudes non xustificase a súa realización.
8. Certificados de asistencia.
Ó remate da xornada entregaráselles un certificado de asistencia ás persoas inscritas que efectúen os controis de asistencia que determine a escola.
Santiago de Compostela, 30 de novembro de 1999.
Domingo Bello Janeiro
Director da Escola Galega de Administración
Pública