O Pleno do Concello de Santiago de Compostela, na sesión do 29 de xullo de 1999, aprobou definitivamente o Plan parcial de ordenación para a actuación no solo industrial do SUNP-34 en Boisaca, con resolución das alegacións presentadas polos interesados no trámite de exposición pública.
Consonte o disposto polo artigo 48.2º da Lei do solo de Galicia, publicouse no BOP, o día 25 de outubro de 1999, o texto íntegro da normativa urbanística do Plan parcial definitivamente aprobado.
Contra o acto de aprobación definitiva, que pon fín á vía administrativa, poderase interpor potestativamente recurso de reposición perante o Pleno do Concello, no prazo dun mes contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva poderá impugnarse directamente en vía xudicial mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ó da súa publicación no Diario Oficial de Galicia.
No suposto en que se interpoña recurso administrativo de reposición, non poderá interpoñerse recurso contencioso-administrativo mentres non se resolva expresa ou presuntamente o recurso de reposición interposto. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou no que este deba entenderse presuntamente rexeitado. No suposto de rexeitamento presunto do recurso de reposición, o prazo para interpoñe-lo recurso contencioso-administrativo é de seis meses.
Santiago de Compostela, 26 de outubro de 1999.
Xosé A. Sánchez Bugallo
Alcalde