Aprobado inicialmente pola Comisión de Goberno, con data do 29-9-1999, o estudio de detalle formulado para a ordenación de volumes na unidade de actuación Centro Sur número 4 (Carril das Flores-Carril das Hortas) do PXOU vixente, que modifica o aprobado polo Concello Pleno con data do 9-12-1994, solicitado por David Lázare Rodríguez na súa calidade de presidente da xunta de compensación da devandita unidade de actuación.
Conforme o previsto nas disposicións vixentes, sométese a información pública polo prazo dun mes, durante o cal poderá ser examinado no Servicio de Urbanismo deste concello (Ronda da Muralla, nº 197), e presentarse as reclamacións ou suxestións que se desexen.
O acordo de aprobación inicial determina automaticamente a suspensión do procedemento do outorgamento de licencias de parcelamento de terreos, edificación e demolición na totalidade dos terreos comprendidos no seu ámbito que supoñan modificación das determinacións do réxime urbanístico vixente, ata a aprobación definitiva do presente estudio de detalle ou, de se-lo caso, polo prazo dun ano, se aquela non se produce durante este prazo.
Lugo, 6 de outubro de 1999.
José A. Mourelle Cillero
Vicesecretario en funcións
Visto e prace
Selado e rubricado