A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido na alínea i) do artigo 7 da Orde do 21 de abril de 1998 (DOG nº 88, do 11 de maio), convoca expediente de contratación polo procedemento aberto e tramitación anticipada e urxente, mediante concurso, para a adquisición de infusións, productos alimenticios envasados, galletas, cremas, confituras, friames e embutidos.

Obxecto e orzamento.

Lote nº 1: infusións e outros, por un orzamento máximo de dous millóns trescentas doce mil seiscentas noventa e seis pesetas (2.312.696 ptas.) (IVE incluído).

Lote nº 2: productos alimenticios envasados diversos, por un orzamento máximo de catorce millóns oitenta e catro mil trescentas corenta e cinco pesetas (14.084.345 ptas.) (IVE incluído).

Lote nº 3: galletas e biscottes, por un orzamento máximo de catro millóns cento setenta e sete mil cincocentas trinta e catro pesetas (4.177.534 ptas.) (IVE incluído).

Lote nº 4: cremas, por un orzamento máximo dun millón cincocentas setenta e unha mil catrocentas trinta pesetas (1.571.430 ptas.) (IVE incluído).

Lote nº 5: confituras, por un orzamento máximo dun millón cincocentas oitenta e seis mil pesetas (1.586.000 ptas.) (IVE incluído).

Lote nº 6: friames e embutidos, por un orzamento máximo de tres millóns seiscentas vintetrés mil oitocentas sesenta e oito pesetas (3.623.868 ptas.) (IVE incluído).

Prazo de execución do contrato: desde a formalización do contrato ata o 31 de decembro de 2000.

Documentos de interese para os licitadores: o prego de cláusulas administrativas particulares e demais documentación complementaria pode ser solicitada no Servicio de Subministracións do Complexo Hospitalario Xeral-Calde de Lugo, rúa Doutor Severo Ochoa, s/n. (27004) Lugo. Teléfono: 982 29 65 52 e fax: 982 21 29 24.

Fianzas: deberá consignarse unha fianza provisional do 2% do orzamento de licitación, por un importe para o lote nº 1 de corenta e seis mil duascentas cincuenta e catro pesetas (46.254 ptas.), para o lote nº 2 de duascentas oitenta e unha mil seiscentas e sete pesetas (281.687 ptas.), para o lote nº 3 de oitenta e tres mil cincocentas cincuenta pesetas (83.550 ptas.), para o lote nº 4 de trinta e unha mil catrocentas vinteoito pesetas (31.428 ptas.), para o lote nº 5 de trinta e unha mil setecentas vinte pesetas (31.720 ptas.) e para o lote nº 6 de setenta e dúas mil catrocentas setenta e sete pesetas (72.477 ptas.) e unha fianza definitiva do 4% do orzamento. As devanditas fianzas constituiranse segundo o disposto nos artigos 36 e 37 da Lei 13/1995 do 18 de maio, de contratos das administracións públicas.

Solvencia económica e financeira: acreditarase por un ou varios dos medios establecidos no artigo 16 da Lei 13/1995, do 18 de maio, de contratos das administracións públicas.

Solvencia técnica: acreditarase por un ou varios dos medios establecidos no artigo 18 da Lei 13/1995, do 18 de maio, de contratos das administracións públicas.

Clasificación: non se precisa.

Criterios de adxudicación:

-Prezo, ata 5 puntos.

-Calidade dos productos, ata 4 puntos.

-Tipo e calidade do envasado, ata 3 puntos.

-Prazo de entrega, ata 2 puntos.

Admisión de variantes: admítense variantes.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro do Complexo Hospitalario Xeral-Calde de Lugo antes das 14 horas do décimo terceiro día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó Complexo Hospitalario Xeral-Calde a remisión da oferta mediante fax ou telegrama no mesmo día.

Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo ás 10 horas do décimo primeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: os anuncios deste concurso público serán por conta dos adxudicatarios do contrato.

Lugo, 8 de novembro de 1999.

Fernando Varela Noreña

Director xerente do Complexo Hospitalario

Xeral-Calde de Lugo