Vacantes na Administración de xustiza postos de traballo dos corpos nacionais de oficiais, auxiliares e axentes da Administración de xustiza dotados orzamentariamente, procede a súa convocatoria en concurso de traslados, de conformidade co establecido nos artigos 455 e 494 da Lei orgánica 6/1985, do 1 de xullo, do poder xudicial e o capítulo III do título IV do Regulamento orgánico do corpos de oficiais, auxiliares e axentes da Administración de xustiza aprobado por Real decreto 249/1996, do 16 de febreiro.
Por todo iso, o Ministerio de Xustiza, coordinadamente coa Comunidade Autónoma de Galicia, dispón convocar concurso para a provisión dos postos que se relacionan no anexo I segundo as seguintes bases:
Primeira.-Postos que se poden solicitar.
1. Poderán tomar parte neste concurso e solicita-las vacantes de postos de traballo de oficiais, auxi
liares e axentes da Administración de xustiza os funcionarios pertencentes ós devanditos corpos, calquera que sexa a súa situación administrativa, agás os suspensos que non remataran o período de suspensión, sempre que reúnan as condicións para concursar conforme o establecido no artigo 57 do Real decreto 249/1996, do 16 de febreiro.
2. Poderán solicitar calquera das prazas incluídas no anexo I desta convocatoria, sempre que reúnan os requisitos xerais esixidos na data de remate do prazo de presentación de solicitudes.
As devanditas vacantes identificaranse polo código do centro de destino, relación de postos de traballo e número de orde do posto de traballo. Coa soa solicitude dun posto de traballo dun dos órganos xudiciais enténdense pedidas tódalas vacantes do corpo existentes no devandito órgano.
Segunda.-Requisitos e condicións de participación.
1. Os funcionarios dos corpos de oficiais, auxiliares e axentes da Administración de xustiza só poderán participar se na data de remate do prazo de presentación de instancias transcorreu un ano desde a toma de posesión no seu actual posto de traballo definitivo (artigo 57 c)) do Real decreto 249/1996).
2. Os funcionarios que se atopen nas situacións de excedencia voluntaria establecidas no artigo 34 b) e c) do Real decreto 249/1996, (excedencias por
agrupación familiar e por interese particular), só poderán participar no concurso se na data de remate do prazo de presentación de solicitudes transcorreran dous anos como mínimo desde que foran declarados nesa situación.
3. Os funcionarios en situación de excedencia para o coidado de fillos ó abeiro do disposto no artigo 35 do Real decreto 249/1996, só poderán concursar se transcorreu un ano desde a toma de posesión do derradeiro destino definitivo.
4. Os excedentes forzosos, os suspensos definitivos que perderan o seu posto de traballo e os excedentes voluntarios do artigo 34.a) do Regulamento orgánico aprobado por Real decreto 249/1996, gozarán, por esta orde, a primeira vez que se anuncie a concurso vacante do corpo na mesma localidade onde servían cando se produciu ó seu cesamento no servicio activo, de dereito preferente para ocupala. Para exercer este dereito haberán de solicitar tódalas vacantes que se ofertan na localidade para a que se exerce a preferencia.
Terceira.-Baremos.
A valoración de méritos para a adxudicación dos postos de traballo farase de acordo co baremo establecido para valora-la antigüidade e o coñecemento da lingua oficial propia das comunidades autónomas, e os coñecementos informáticos naquelas prazas para as que así se estableza.
1. Antigüidade.-Polos servicios efectivos no corpo outorgarase un punto por cada ano completo de servicios, e computando proporcionalmente os períodos inferiores (0,0027777 por día, establecéndose os meses como de 30 días).
2. Coñecemento oral e escrito da lingua oficial propia da Comunidade Autónoma.-Nas prazas situadas na Comunidade Autónoma de Galicia, o coñecemento oral e escrito desta debidamente acreditado por medio de certificación oficial da Comunidade Autónoma, ou homologación do título presentado e do nivel ó que corresponda o título, supón o recoñecemento para estes efectos de ata 6 puntos segundo o nivel de coñecementos acreditado nos termos da disposición adicional segunda do Regulamento orgánico aprobado por Real decreto 249/1996, do 16 de febreiro, na forma seguinte:
a) Curso de iniciación e perfeccionamento ou curso básico de linguaxe xurídica galega: dous puntos.
b) Curso medio de linguaxe xurídica galega: catro puntos.
c) Curso superior de linguaxe xurídica galega: seis puntos.
3. Coñecementos informáticos.-Nas prazas que se van prover que comporten especiais coñecementos informáticos e que así se sinalen nas relacións de prazas para solicitar do anexo, a quen acredite mediante fotocopia compulsada de certificación oficial os ditos coñecementos, se lles outorgará para estes efectos ata 6 puntos ademais da antigüidade ou dos puntos obtidos polo coñecemento da lingua oficial propia da Comunidade Autónoma que corresponda, de conformidade co establecido no punto 10
do artigo 54 do Real decreto 249/1996, do 16 de febreiro. Para tal efecto teranse en conta os seguintes criterios:
1º. Nivel 1: certificados oficiais de asistencia e/ou aproveitamento de cursos de informática expedidos polo Ministerio de Educación e Cultura, Ministerio para as Administracións Públicas, Ministerio de Traballo e Asuntos Sociais, comunidades autónomas sen competencias transferidas e centros homologados e/ou recoñecidos, 0,50 puntos por curso, cun máximo de dous puntos.
2º. Nivel 2: certificados oficiais de asistencia e/ou aproveitamento de cursos de informática expedidos polo Ministerio de Xustiza e departamentos de Xustiza das comunidades autónomas con competencia en materia de xestión de persoal ó servicio da Admón. de Xustiza e centros homologados e/ou recoñecidos, cunha duración de ata 100 horas lectivas, tres puntos.
3º. Nivel 3: certificados oficiais de asistencia e/ou aproveitamento de cursos de informática expedidos polo Ministerio de Xustiza e departamentos de Xustiza das comunidades autónomas con competencia en materia de xestión de persoal ó servicio da Administración de xustiza e centros homologados e/ou recoñecidos, cunha duración de máis de 100 horas lectivas, cuatro puntos.
4º. Nivel 4: títulos de formación profesional II ou III grao, especialidade informática, diplomatura en informática, cinco puntos.
5º. Nivel 5: licenciatura en informática, seis puntos.
Os devanditos criterios non terán carácter acumulativo. No caso de que o funcionario alegue coñecementos informáticos aplicables a dous ou máis criterios considerarase unicamente aquel que lle outorgue maior puntuación, e para o caso de non consta-las horas do curso impartido polo Ministerio de Xustiza ou Comunidade Autónoma con competencia en xestión de persoal ó servicio da Administración de xustiza, considerarase do valor dos sinalados no punto 2º desta clasificación.
Cuarta.-Modelos e prazos de presentación de solicitudes.
1. Os funcionarios destinados definitivamente en postos das relacións de postos de traballo dos corpos de oficiais, auxiliares e axentes da Administración de xustiza correspondentes a Galicia, así como os que se atopen en situación de servicios especiais e excedentes por coidado de fillo que teñen reservado o seu posto de traballo en Galicia, presentarán a súa solicitude axustada ó modelo V-I publicado como anexo II desta resolución no prazo de 10 días naturais seguintes ó da publicación desta convocatoria no Diario Oficial de Galicia, ou contados a partir do día seguinte á súa publicación no Boletín Oficial del Estado, no caso de que a publicación non se faga simultaneamente no Boletín Oficial del Estado e no Diario Oficial de Galicia, dirixida ó director xeral de Xustiza e Administración Local da Consellería de Xustiza, Interior e Relacións Laborais
da Xunta de Galicia, edificio administrativo San Caetano s/n, 15771 Santiago de Compostela.
2. Os funcionarios destinados en postos das relacións de postos de traballo doutros corpos da Administración de xustiza ou doutras administracións que se atopen en excedencia do artigo 34 a) do Real Decreto 249/1996, do 16 de febreiro, nos corpos de oficiais, auxiliares e axentes que fagan constar como primeiro destino calquera dos convocados mediante esta resolución, radicados en Galicia, utilizarán o modelo V-2 publicado como anexo II a esta resolución no prazo de 10 días naturais seguintes ó da publicación da presente convocatoria no Diario Oficial de Galicia, ou contados a partir do día seguinte a súa publicación no Boletín Oficial del Estado, no caso de que a publicación non se faga simultaneamente no Boletín Oficial del Estado e no Diario Oficial de Galicia, dirixida ó director xeral de Xustiza e Administración Local da Consellería de Xustiza, Interior e Relacións Laborais da Xunta de Galicia, edificio administrativo San Caetano s/n, 15771 Santiago de Compostela.
3. Os restantes solicitantes que desexen participar neste concurso, como os excedentes forzosos aínda que tivesen un destino provisorio, os suspensos definitivos que perderan o seu posto de traballo, os participantes con destino provisional por ter reingresado no servicio activo, asi como os restantes excedentes voluntarios por agrupación familiar ou por interese particular, que fagan constar como primeiro destino calquera dos convocados mediante a presente resolución, radicados en Galicia, utilizarán o modelo V-3 publicado como anexo II a esta resolución no prazo de 10 días naturais seguintes ó da publicación desta convocatoria no Diario Oficial de Galicia, ou contados a partir do día seguinte a súa publicación no Boletín Oficial del Estado, no caso de que a publicación non se faga simultaneamente no Boletín Oficial del Estado e no Diario Oficial de Galicia, dirixida ó director xeral de Xustiza e Administración Local da Consellería de Xustiza, Interior e Relacións Laborais da Xunta
de Galicia, edificio administrativo San Caetano s/n, 15771 Santiago de Compostela.
4. As solicitudes poderán remitirse tamén na forma prevista no artigo 38 da Lei de réxime xurídico das administracións públicas e do procedemento administrativo común.
As que se presenten nas oficinas de correos enviaranse en calquera das dúas modalidades seguintes:
a) Por correo ordinario; neste caso deberá ter entrada no rexistro xeral do Ministerio de Xustiza, xerencias territoriais ou rexistro xeral da Consellería de Xustiza, Interior e Relacións Laborais da Comunidade Autónoma de Galicia (edificio administrativo San Caetano s/n 15771 Santiago de Compostela), para os funcionarios destinados nos xulgados e tribunais de Galicia, en todo caso antes da data de remate do prazo de presentación de instancias.
b) Por correo certificado; neste suposto presentaranse nas oficinas de correos en sobre aberto para seren datadas e seladas polo funcionario de correos antes de seren remitidas. Os participantes no concurso deberán envia-la instancia que teña o selo da oficina de correos, sen que poida admitirse pasado o prazo de presentación de instancias aquela que non cumpra este requisito, aínda que posteriormente se puidera acreditar tal extremo.
5. Os excedentes voluntarios por interese particular engadirán a súa solicitude declaración de non ter sido separados de calquera das administracións públicas.
6. A solicitude para tomar parte neste concurso será única para cada funcionario participante. Do mesmo modo, mediante unha única instancia deberán optar por participar desde o corpo no que o funcionario se atope en activo, ou reingresar ó servicio activo no corpo do que formen parte como excedentes.
Ó resultaren irrenunciables os destinos obtidos por instancia do funcionario, no caso de obter destino, o reingresado ó servicio mediante concurso de traslados, quedará automaticamente en excedencia no corpo no que se atopase en activo.
7. A solicitude formulada será vinculante para o peticionario unha vez transcorrido o período de presentación de instancias.
8. No caso de discrepancia entre a transcrición do código informático dun posto concreto e o seu literal, quedaría anulada a petición do dito posto.
Quinta.-Peticións condicionadas.
No caso de estaren interesados nas vacantes que se anuncian para unha mesma provincia dous funcionarios pertencentes ós corpos de oficiais, auxiliares e axentes, poderán condiciona-la súa petición ó feito de que ámbolos dous obteñan destino na mesma provincia, entendéndose no caso contrario anuladas as peticións condicionadas efectuadas por ámbolos dous. Os funcionarios que se acollan a esta petición condicional, deberan concretalo na súa instancia, e xuntar fotocopia da petición do outro funcionario.
No caso de que non se engadira a fotocopia da instancia do segundo concursante, entenderase anulada a petición condicionada efectuada por ámbolos dous.
Os funcionarios que se acollan a esta base, deberán agrupa-los postos que condicionan nos primeiros números de orde de preferencia da solicitude, poñendo o resto dos non condicionados a continuación.
Sexta.-Adxudicacións.
1. A orde de prioridade para a adxudicación dos postos de traballo virá dada pola puntuación total obtida segundo os baremos da base terceira.
2. No caso de empate na puntuación total, acudirase para dirimilo á orde de escala do funcionario.
Sétima.-Carácter dos destinos adxudicados.
1. Os traslados que se deriven da resolución deste concurso, terán a consideración de voluntarios para os efectos previstos no Real decreto 236/1988, do 4 de marzo, sobre indemnizacións por razóns de servicio.
2. Os destinos adxudicados serán irrenunciables.
Oitava.-Resolución e prazo posesorio.
1. A presente convocatoria, resolverase por resolución provisional do director xeral de Relacións coa Administración de Xustiza por delegación do secretario de Estado de Xustiza de forma coordinada co órgano competente da Comunidade Autónoma de Galicia, de xeito que se publiquen simultaneamente nos taboleiros de anuncios do Ministerio de Xustiza, das xerencias territoriais de Xustiza, da Comunidade Autónoma, así como dos tribunais superiores de xustiza e audiencias provinciais.
2. A resolución provisional expresará o posto de orixe dos funcionarios ós que se lles adxudique destino e a súa localidade, así como a súa situación administrativa, se esta é distinta á de activo, e o posto adxudicado a cada funcionario con referencia ó centro de traballo e localidade.
3. Contra as resolucións provisionais polas que se resolvan os concursos de traslados cabe formular alegacións no prazo de dez días desde a súa publicación nos taboleiros de anuncios referidos, perante a autoridade á que se dirixiu a petición de participación no presente concurso, utilizando para iso o modelo que se xunta á presente resolución como anexo III. Resoltas estas, por outra resolución o concurso de traslados obterá firmeza.
Aquelas alegacións que non foran resoltas expresamente, consideraranse desestimadas ante a publicación da resolución definitiva do concurso.
4. O prazo para tomar posesión do novo destino obtido atoparase dentro do establecido no artigo 55
do Regulamento orgánico aprobado por Real decreto 249/1996, do 16 de febreiro, pero cando teña lugar dentro da mesma poboación, deberá efectuarse nos oito días naturais seguintes ó cesamento.
5. O prazo para a toma de posesión comezará a contarse a partir do día seguinte ó do cesamento.
6. Se a resolución comporta reingreso no servicio activo, o prazo de toma de posesión deberá comezar a contar desde a dita publicación definitiva.
7. Se non se lograra a simultaneidade de publicación da resolución co Diario Oficial de Galicia, os prazos comezarán desde o día seguinte ó da publicación no Boletín Oficial del Estado.
8. O cómputo dos prazos posesorios iniciarase cando rematen os permisos ou licencias que estean disfrutando os funcionarios, non sendo que por circunstancias excepcionais debidamente motivadas se suspenda ou revogue o seu desfrute.
Novena.-Recursos.
Contra a presente resolución, que esgota a vía administrativa, poderase interpoñer recurso contencioso-administrativo ante os xulgados do contencioso-administrativo da provincia da Coruña no prazo de dous meses desde o día seguinte ó da súa publicación no Boletín Oficial del Estado, de conformidade co establecido nos artigos 14.2º e 25 da Lei 29/1998, do 13 de xullo, reguladora da xurisdicción contencioso-administrativa; ou ben recurso potestativo de reposición ante este órgano no prazo dun mes, contado desde o día seguinte ó da súa publicación no BOE, segundo establecen nos artigos 116 e 117 da Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 1 de decembro de 1999.
José-Antonio Álvarez Vidal
Director xeral de Xustiza e Administración Local
ANEXO I
Oficiais
Comunidade Autónoma de Galicia Código RPT oficiais Vacantes Idioma Informát.
Descrición do posto de traballo Dotación Preferencias
Nº orde
Audiencia Provincial Sección número catro da Coruña 9251200415001 35 4 1 Si Si
Decanato SCNE A Coruña 9252021215001 35 2 1 Si Si
Xulgado do Social número un de Santiago de Compostela (A Coruña) 9252600115770 35 3 1 Si Si
Primeira Instancia e Instrucción de Arzúa (A Coruña) 9252300015060 35 3 1 Si Si
Primeira Instancia e Instrucción número dous de Ferrol (A Coruña) 9252300215350 35 4 1 Si Si
Primeira Instancia e Instrucción número un de Ribeira (A Coruña) 9252300115720 35 3 1 Si Si
Primeira Instancia e Instrucción número dous de Ribeira (A Coruña) 9252300215720 35 3 1 Si Si
Primeira Instancia e Instrucción número dous de Noia (A Coruña) 9252300215560 35 3 1 Si Si
Xulgado de Paz de Arteixo (A Coruña) 9252900015050 35 1 1 Si Non
Xulgado de Paz do Porto do Son (A Coruña) 9252900015700 35 1 1 Si Non
Primeira Instancia e Instrucción número un de Mondoñedo (Lugo) 9252300127290 35 4 1 Si Si
Primeira Instancia e Instrucción número dous de Vilalba (Lugo) 9252300227640 35 3 1 Si Si
Primeira Instancia e Instrucción do Barco de Valdeorras (Ourense) 9252300032090 35 4 1 Si Si
Primeira Instancia e Instrucción da Pobra de Trives (Ourense) 9252300032620 35 3 1 Si Si
Primeira Instancia e Instrucción número catro de Ourense 9252300432001 35 3 1 Si Si
Comunidade Autónoma de Galicia Código RPT oficiais Vacantes Idioma Informát.
Descrición do posto de traballo Dotación Preferencias
Nº orde
Xulgado do Penal número un de Ourense 9252500132001 35 3 1 Si Si
Xulgado do Penal número dous de Ourense 9252500232001 35 3 1 Si Si
Xulgado do Social número un de Ourense 9252600132001 35 3 1 Si Si
Audiencia Provincial Sección número un de Pontevedra 9251200136001 35 4 1 Si Si
Primeira Instancia e Instrucción de Caldas de Reis (Pontevedra) 9252300036050 35 3 1 Si Si
Primeira Instancia e Instrucción número un de Pontevedra 9252300136001 35 4 1 Si Si
Primeira Instancia e Instrucción número un de Cambados (Pontevedra) 9252300136060 35 4 2 Si Si
Primeira Instancia e Instrucción número un de Marín (Pontevedra) 9252300136260 35 3 1 Si Si
Primeira Instancia e Instrucción número un do Porriño (Pontevedra) 9252300136380 35 4 1 Si Si
Primeira Instancia e Instrucción número dous de Lalín (Pontevedra) 9252300236240 35 3 1 Si Si
Primeira Instancia e Instrucción número dous de Marín (Pontevedra) 9252300236260 35 3 1 Si Si
Primeira Instancia e Instrucción número dous do Porriño (Pontevedra) 9252300236380 35 3 1 Si Si
Primeira Instancia e Instrucción número dous de Redondela (Pontevedra) 9252300236440 35 2 1 Si Si
Primeira Instancia e Instrucción número catro de Pontevedra 9252300436001 35 3 1 Si Si
Xulgado do Social número tres de Vigo (Pontevedra) 9252600336560 35 3 1 Si Si
Xulgado de Paz de Gondomar (Pontevedra) 9252900036210 35 1 1 Si Non
Xulgado de Paz de Meaño (Pontevedra) 9252900036270 35 1 1 Si Non
Auxiliares
Comunidade Autónoma de Galicia Código RPT auxiliar Vacantes Idioma Informát.
Descrición do posto de traballo Dotación Preferencias
Nº orde
Primeira Instancia número tres da Coruña 9252100315001 35 4 1 Si Si
Primeira Instancia número catro da Coruña 9252100415001 35 4 1 Si Si
Primeira Instancia e Instrucción número un de Carballo (A Coruña) 9252300115190 35 5 1 Si Si
Primeira Instancia e Instrucción número dous de Corcubión (A Coruña) 9252300215280 35 4 1 Si Si
Primeira Instancia e Instrucción número dous de Ribeira (A Coruña) 9252300215720 35 4 1 Si Si
Primeira Instancia e Instrucción número dous de Santiago de Compostela (A Coruña) 9252300215770 35 5 1 Si Si
Primeira Instancia e Instrucción número catro de Santiago de Compostela (A Coruña) 9252300415770 35 4 1 Si Si
Primeira Instancia e Instrucción número cinco de Santiago de Compostela (A Coruña) 9252300515770 35 4 1 Si Si
Primeira Instancia e Instrucción número seis de Santiago de Compostela (A Coruña) 9252300615770 35 4 1 Si Si
Xulgado do Social número catro da Coruña 9252600415001 35 4 1 Si Si
Primeira Instancia e Instrucción de Sarria (Lugo) 9252300027560 35 4 1 Si Si
Adscric. Fiscalía de Mondoñedo (Lugo) 9251360127290 35 2 1 Si Si
Audiencia Provincial Sección número catro de Pontevedra 9251200436001 35 5 1 Si Si
Primeira Instancia e Instrucción número un de Cangas (Pontevedra) 9252300136080 35 5 1 Si Si
Primeira Instancia e Instrucción número catro de Pontevedra 9252300436001 35 4 1 Si Si
Xulgado do Penal número un de Pontevedra 9252500136001 35 4 2 Si Si
Axentes
Comunidade Autónoma de Galicia Código RPT axentes Vacantes Idioma Informát.
Descrición do posto de traballo Dotación Preferencias
Nº orde
T.S.X. Sala Social da Coruña 9251149015001 35 6 1 Si Non
Decanato SCNE da Coruña 9252021215001 35 4 1 Si Non
Xulgado Instrucción número tres da Coruña 9252200315001 35 6 1 Si Non
Primeira Instancia e Instrucción número tres de Santiago de Compostela (A Coruña) 9252300315770 35 6 1 Si Non
Xulgado do Social número un de Ferrol (A Coruña) 9252600015350 35 5 1 Si Non
Xulgado do Social número dous de Santiago de Compostela (A Coruña) 9252600215770 35 5 1 Si Non
Xulgado de Paz de Cabana (A Coruña) 9252900015140 35 1 1 Si Non
Primeira Instancia e Instrucción número dous de Monforte de Lemos (Lugo) 9252300227300 35 5 1 Si Non
Xulgado de Paz de Cospeito (Lugo) 9252900027150 35 1 1 Si Non
Primeira Instancia e Instrucción número cinco de Ourense 9252300532001 35 5 1 Si Non
Dec. Instto. Anatóm. Forense de Pontevedra 9252025336001 35 2 1 Si Non
Primeira Instancia e Instrucción número dous de Pontevedra 9252300236001 35 6 1 Si Non
Primeira Instancia e Instrucción número catro de Pontevedra 9252300436001 35 5 1 Si Non
Xulgado do Penal número un de Pontevedra 9252500136001 35 5 1 Si Non
Primeira Instancia e Instrucción número dous de Ponteareas (Pontevedra) 9252300236420 35 5 1 Si Non
Xulgado do Social número un de Vigo (Pontevedra) 9252600136560 35 5 1 Si Non