Aprobados inicialmente polo Pleno desta Corporación, en sesión realizada con data do 11 de novembro de 1999, os pregos de cláusulas administrativas particulares que rexerán o concurso para adxudicar mediante concesión a xestión indirecta do servicio de cafetería do Centro Polivalente de Usos Marítimos e Terrestres de Escarabote, en cumprimento do disposto no artigo 122.1º do R.D. lexislativo 781/1986, do 18 de abril, sométese o expediente a información pública polo prazo de 8 días hábiles contados a partir da publicación deste anuncio no BOP para os efectos de presentación de reclamacións.
Do mesmo xeito, a Comisión de Goberno en sesión realizada con data do 15 de novembro de 1999 acordou inicia-lo expediente de licitación con tramitación urxente para a adxudicación da concesión do servicio de cafetería antes citado, coa salvidade disposta no artigo 122.2º do R.D. lexislativo 781/1986, do 18 de abril, de que no caso de que se formulen reclamacións contra a aprobación inicial dos devanditos pregos será aprazada esta licitación.
O prego de cláusulas administrativas particulares que rexerá esta contratación de xeito resumido establece o seguinte:
1. Obxecto do contrato: a xestión e explotación do servicio de cafetería do Centro Polivalente de Usos Marítimos e Terrestres de Escarabote.
2. Prazo do contrato: un (1) ano, prorrogable por iguais períodos ata un máximo de dez (10) anos.
3. Canon da concesión: non se fixa canon anual que percibirá o concello, debendo ser proposto polos licitadores nas súas ofertas.
4. Garantía provisional: 25.000 ptas.
5. Garantía definitiva: 250.000 ptas.
6. Presentación de proposicións: no prazo de trece (13) días naturais contados a partir do seguinte ó da publicación deste anuncio no BOP ou no Diario Oficial de Galicia, no rexistro xeral do concello en horario de 9 a 13 horas.
7. Apertura de proposicións: na casa do concello o quinto día hábil seguinte ó remate do prazo de presentación de proposicións. Se coincidira en sábado farase o seguinte día hábil.
8. Gastos do contrato: serán por conta do adxudicatario.
9. O prego de cláusulas administrativas particulares está a disposición dos interesados nas oficinas do concello.
Boiro, 19 de novembro de 1999.
Jesús Alonso
Alcalde