Por Resolución do 20 de outubro de 1999, a Dirección Xeral de Industria da Xunta de Galicia autorizou o proxecto de instalacións do ramal a Aluminios Quintás, que discorre polos termos municipais de Rois e Padrón. Declarada a utilidade pública e a urxente ocupación de conformidade co disposto nos artigos 103 e 104 da Lei 34/1998, do 7 de outubro, do sector de hidrocarburos, procede a iniciación do expediente expropiatorio.
Na súa virtude, esta delegación provincial, en cumprimento do disposto no artigo 52 da Lei de expropiación forzosa, do 16 de decembro de 1954, resolve convoca-los titulares de bens e dereitos afectados para que comparezan nos concellos onde radican os predios afectados, como punto de reunión para, de conformidade co procedemento que establece o precitado artigo 52, levar a cabo o levantamento das actas previas á ocupación e, se procedese, o das de ocupación definitiva.
Tódolos interesados, así como as persoas que sexan titulares de calquera clase de dereitos e intereses sobre os bens afectados, deberán acudir persoalmente ou representados por persoa debidamente autorizada, e presenta-los documentos acreditativos da súa titularidade e o último recibo da contribución, podéndose acompañar a súa custa, dos seus peritos e un notario, se o consideran oportuno.
Para o levantamento de actas os afectados deberán presentarse o próximo día 11 de xaneiro do 2000, a partir das 9 horas no Concello de Padrón; o día 11 de xaneiro do 2000, a partir das 16 horas e os días 12, 13 e 14 de xaneiro do 2000, a partir das 9 horas no Concello de Rois.
A orde de levantamento de actas comunicaráselle a cada interesado mediante a oportuna cédula de citación, figurando a relación de titulares convocados no taboleiro de edictos dos concellos sinalados.
É de significar que esta publicación se realiza igualmente para os efectos que determina o artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación desta resolución ós titulares descoñecidos dos predios que se describen no anexo, así como daqueles que resultasen de titularidade descoñecida ou con enderezo ignorado da relación que se someteu ó trámite de información pública para o outorgamento da resolución da Dirección Xeral de Industria.
No expediente expropiatorio, Enagás, S.A. asumirá a condición de beneficiaria.
A Coruña, 11 de novembro de 1999.
Jesús Espada Martínez
Delegado provincial da Coruña
ANEXO
Relación de titulares descoñecidos ou con domicilio ignorado.
Convocatoria actas previas.
Proxecto: ramal a Aluminios Quintás.
Termo municipal: Padrón.
Predio nº Titular Afección Catastro Natureza Citación
L.M.L. O.T. m Políg. Parcela Día Mes Hora
C-PA-15 Descoñecido 10 170 10 585 Monte baixo 11 Xaneiro 11
Termo municipal: Rois.
Predio nº Titular Afección Catastro Natureza Citación
L.M.L. O.T. m Políg. Parcela Día Mes Hora
C-RO-27 Manuel, José e Trina Amalia Sorribas San Martín 4 40 144 99-32 Monte alto 12 Xaneiro 16
C-RO-35 Dolores Casal Lorenzo 9 90 144 99-23 Monte alto 13 Xaneiro 9
C-RO-38 Avelina Verde Verde 11 110 144 90-20 Monte alto 13 Xaneiro 9
C-RO-40 Ramón Iglesia Vieites 11 110 144 99-18 Monte alto 13 Xaneiro 10
C-RO-43 Mª Luisa Leborans Barreiro 3 30 144 99-15 Monte alto 13 Xaneiro 10
C-RO-65 Descoñecido 6 45 144 90-50 Monte alto 14 Xaneiro 12
C-RO-70 Manuel Verde Pardo 3 30 144 90-44 Monte alto 13 Xaneiro 16
C-RO-73 José María Guerra Casal 2 20 144 90-38 Monte alto 13 Xaneiro 16
C-RO-75 Hrdos. Marcelino Bustelo Cantelar 2 20 144 90-36 Monte alto 13 Xaneiro 16
C-RO-90 Descoñecido 3 30 144 90-21 Monte alto 14 Xaneiro 12
C-RO-107 Descoñecido 7 70 144 84-1 Monte alto 14 Xaneiro 12
Termo municipal: Rois.
Predio nº Titular Afección Catastro Natureza Citación
L.M.L. O.T. m Exp. m Políg. Parcela Día Mes Hora
C-RO-12/1-EPC Descoñecido 0 0 0 144 96 Monte alto 14 Xaneiro 12
Instalaciones auxiliares-abreviaturas utilizadas: EPC=estación protección catódica, PO=posición.