Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: Sáenz Díez, 45. 32003 Ourense.
Denominación: C.T., R.B.T., Vilouriz-Fondo de Vila-A Eirexa-Requeixo.
Situación: Nogueira de Ramuín.
Características técnicas: substitución do C.T. existente de Vilouriz por outro de 160 kVA e R/T 20.000/380-220 V. R.B.T. aérea do C.T. Vilouriz de 2.350 metros en conductor R.Z. e R.B.T. aérea do C.T. Souto de 105 metros en conductor R.Z.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Ourense, 27 de outubro de 1999.
Alfredo Cacharro Pardo
Delegado provincial de Ourense