Por orden da Consellería da Presidencia e Administración Pública do 2 de xuño de 1999 (DOG do 8 de xuño), convocouse o Premio Galicia á Innovación Empresarial correspondente ó Premio Galicia de Investigación 1999.
De acordo co establecido nas bases da convocatoria, a decisión adoptada polo xurado debe darse a coñecer mediante a correspondente publicación no Diario Oficial de Galicia.
En consecuencia, e tendo en conta a proposta elaborada polo xurado,
RESOLVO:
Concederlle o Premio Galicia á Innovación Empresarial, correspondente ós Premios Galicia de Investigación 1999, á empresa Astine, S.A., pola súa innovación Nova Bifornia para o Troquelado Rotativo.
Esta orde pon fin á vía administrativa segundo o disposto no artigo 109 c) da Lei 30/1992, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común.
Santiago de Compostela, 9 de novembro de 1999.
Jaime Pita Varela
Conselleiro da Presidencia e Administración Pública