Perante este Xurado Provincial de Montes Veciñais en Man Común, tramítanse os expedientes de clasificación dos montes coas características que a seguir se indican:

Expediente número 15/1999:

Denominación: monte Costa da Torre.

Comunidade propietaria: veciños da parroquia de Freán.

Concello: O Saviñao.

Superficie: 14 hectáreas.

Lindeiros:

Norte: camiño veciñal e predios particulares da Casa de Neira. Leste: predios particulares e monte comunal da parroquia de Marrube. Sur: predios particulares da parroquia de Freán. Oeste: predios particulares da parroquia de Freán.

Expediente número 16/1999:

Denominación: montes Mora e O Fial.

Comunidade propietaria: veciños da parroquia de Fión.

Concello: O Saviñao.

Superficie: 14 hectáreas.

Lindeiros do monte Mora (7 hectáreas):

Norte: camiño veciñal á parroquia da Cova, predios particulares da parroquia de Fión, monte veciñal da parroquia da Cova e predios particulares da parroquia da Cova. Leste: predios particulares da parroquia de Fión. Sur: termo municipal de Pantón. Oeste: termo municipal de Pantón e predios particulares da parroquia da Cova.

Lindeiros monte O Fial (7 hectáreas):

Norte: predios particulares da parroquia de Fión. Leste: predios particulares da parroquia de Fión. Sur: camiño veciñal de Fial. Oeste: predios particulares da parroquia de San Vicente de Castillón (Pantón).

Expediente número 17/1999:

Denominación: montes As Barreiras, A Serra e Portela, Os Campileiros, Picote e Tralos Prados.

Comunidade propietaria: veciños da parroquia de Xuvencos.

Concello: O Saviñao.

Superficie: 53,5 hectáreas.

Lindeiros do monte As Barreiras (5,5 hectáreas):

Norte: predios particulares da parroquia de Xuvencos. Leste: predio particular de casas da cidade e camiño veciñal das Barreiras. Sur: predios particulares da parroquia de Xuvencos. Oeste: monte comunal de Salgueiros (Pantón).

Lindeiros do monte A Serra e Portela (31 hectáreas):

Norte: camiño veciñal de Xuvencos e predios particulares da parroquia de Xuvencos. Leste: predios particulares da parroquia de Xuvencos. Sur: predios particulares da parroquia de Xuvencos e camiño veciñal de Santo Adrián. Oeste: predios particulares de veciños de Xuvencos e camiño veciñal a Santo Adrián.

Lindeiros do monte Os Campileiros (5 hectáreas):

Norte: camiño veciñal de Santo Adrián. Leste: predio particular de Cazón. Sur: monte comunal de Vilachá. Oeste: camiño veciñal a Santo Adrián.

Lindeiros do monte Picote (9 hectáreas):

Norte: regueiro. Leste: regueiro e camiño veciñal a Vilachá. Sur: predios particulares de Santo Adrián. Oeste: camiño veciñal a Santo Adrián.

Lindeiros monte Tralos Prados (3 hectáreas):

Norte: predios particulares de Santo Adrián. Leste: camiño veciñal a Santo Adrián. Sur: camiño veciñal a Santo Adrián. Oeste: predios particulares de Santo Adrián.

En virtude do acordado polo xurado na sesión que tivo lugar o 15 de xuño de 1999 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, por medio deste edicto faise pública a iniciación dos expedientes indicados co obxecto de que, de acordo co previsto no artigo 23 do Regulamento aprobado polo Decreto 260/1992, do 4 de setembro, para a

execución da citada lei, cantas persoas, organismos e corporacións resulten interesadas, poidan comparecer e intervir nos expedientes iniciados e formularen perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia cantas alegacións coiden oportunas na defensa dos dereitos que crean asistirlles en relación cos montes, achegando, se é o caso, a documentación que consideren conveniente ó respecto.

Lugo, 22 de outubro de 1999.

Luis González Vázquez

Presidente do Xurado Provincial de Montes

Veciñais en Man Común de Lugo