Visto o expediente de cambio de dominio que a continuación se menciona, instruído para efectos de
transmisión da concesión administrativa pertinente e do establecemento que a ampara; tendo en conta que o interesado obtivo a autorización de acordo co artigo 59 da Lei 6/1993, do 11 de maio, de pesca de Galicia (DOG nº 101, do 31-5-1993) e o artigo 10 do Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG nº 228, do 21-11-1996) e que foi acreditada a transmisión de dereitos e aboados os impostos correspondentes.
Esta consellería, en virtude das atribucións conferidas, á vista do informe favorable do Servicio Técnico-Xurídico, acordou acceder ó solicitado, proclamando a nova titularidade da concesión e establecemento que se relaciona a continuación:
Nome da batea: C.P.P. nº 2.
Cultivo: mexillón (Mytilus galloprovincialis).
Localización: cuadrícula nº 38, Vigo A.
Data da concesión: 11-10-1974.
Data na que remata a última prórroga: 15-4-2004.
Anteriores concesionarios: Constantino Calvar Ríos (35.201.872-G), Obdulia Ríos Amoedo (35.202.195-M).
Novo titular da concesión: Mª Encarnación Calvar Ríos (35.318.853-F).
O novo concesionario queda subrogado nos mesmos dereitos e obrigas dos anteriores concesionarios, así como obrigado ó cumprimento das disposicións legais vixentes que lle sexan aplicables e de categoría suficiente.
Pontevedra, 27 de outubro de 1999.
P.D. (Orde 14-6-1999, DOG nº 120, do 24 de xuño)
Rosa Mª Quintana Carballo
Delegada territorial de Vigo