Visto o expediente para outorgamento de autorización administrativa, declaración, en concreto, de utilidade pública e a necesidade de urxente ocupación que leva implícita, así como a aprobación do proxecto de execución da instalación eléctrica que a continuación se detalla:

Solicitante: Unión Fenosa, S.A.

Domicilio social: Avda. García Barbón, 38, 36201 Vigo.

Denominación: L.M.T. Souto-O Montillón.

Situación: A Estrada.

Descricións técnicas: L.M.T., aérea, a 20 kV, de 2.576 m de lonxitude, con conductor tipo LA-56, sobre apoios de formigón, desde o C.T. Souto ata o C.T. O Montillón, concello da Estrada.

Realizada a notificación individual a cada un dos propietarios dos predios afectados, estos non pre

sentaron alegacións no prazo regulamentariamente establecido.

Cumpridos os trámites ordenados na Lei 54/1997, do 27 de novembro, e nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolve:

Autorizar, declarar, en concreto, a utilidade pública e a necesidade de urxente ocupación que leva implícita, así como a aprobación do proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderase interpoñer calquera outro recurso que estime pertinente ó seu dereito.

Pontevedra, 30 de setembro de 1999.

Carmen Bianchi Valcarce

Delegada provincial de Pontevedra