A experiencia acumulada no exercicio da función inspectora aconsella, co obxecto de simplifica-lo procedemento de inspección a prol dunha maior eficacia e celeridade administrativa, recoller nun só modelo de acta as diferentes inspeccións que se leven a cabo.
Na súa virtude, facendo uso das atribucións que me confire o artigo 34 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, en relación co Decreto 482/1997, do 26 de decembro, polo que se establece a estructura orgánica da Consellería de Medio Ambiente
DISPOÑO:
Artigo único.
1. Os modelos das actas recollidos nos anexos IV a VII da Orde do 30 de maio de 1996 que regula o exercicio da inspección ambiental única e a tramitación de denuncias ambientais, son substituídos polo modelo único de acta de inspección ambiental recollido no anexo I desta orde.
2. O modelo de inspección ambiental a que se refire o punto anterior terá os anexos que se recollen nos anexos II e III desta orde para a investigación e comprobación ambientais respectivamente.
3. Nas inspeccións ambientais, cando proceda realizar unha toma de mostra, cubrirase ademais, o anexo recollido no anexo IV desta orde.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 15 de novembro de 1999.
José Carlos del Álamo Jiménez
Conselleiro de Medio Ambiente