Por resolución da Dirección Xeral de Industria da Xunta de Galicia, do 27 de outubro de 1999, autorizouse o proxecto de instalacións do ramal a Feiraco, que discorre polos termos municipais de Ames, Brión e Rois. Declarada a utilidade pública e a urxente ocupación de conformidade co disposto

nos artigos 103 e 104 da Lei 34/1998, do 7 de outubro, do sector de hicrocarburos, procede a iniciación do expediente expropiatorio.

Na súa virtude, esta delegación provincial, en cumprimento do disposto no artigo 52 da Lei de expropiación forzosa, do 16 de decembro de 1954, resolve convoca-los titulares de bens e dereitos afectados para que comparezan no concello onde radican os predios afectados, como punto de reunión para, de conformidade co procedemento que establece o citado artigo 52, levar a cabo o levantamento das actas previas á ocupación e, se procedera, o da de ocupación definitiva.

Tódolos interesados, así como as persoas que sexan titulares de calquera clase de dereitos e intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar, á súa custa, dos seus peritos e un notario, se o consideran oportuno.

Para o levantamento de actas os afectados deberán presentarse os próximos días 29 e 30 de novembro, a partir das 9 horas, no Concello de Ames; os días

1, 2, 3, 13, 14, 15 e 16 de decembro, a partir das 9 horas, no Concello de Brión, o día 16 de decembro, a partir das 16 horas, no Concello de Rois.

A orde de levantamento de actas comunicarase a cada interesado mediante a oportuna cédula de citación, figurando a relación de titulares convocados no taboleiro de edictos dos concellos sinalados.

É de significar que esta publicación se realiza igualmente para os efectos que determina o artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación desta resolución ós titulares descoñecidos dos predios que se describen no anexo, así como daqueles que resultasen de titularidade descoñecida ou con enderezo ignorado da relación que se someteu ó trámite de información pública para o outorgamento da resolución da Dirección Xeral de Industria.

No expediente expropiatorio, Enagás, S.A. asumirá a condición de beneficiaria.

A Coruña, 12 de novembro de 1999.

Jesús Espada Martínez

Delegado provincial da Coruña

Relación de titulares descoñecidos ou con domicilio ignorado

Convocatoria actas previas

Proxecto: ramal a Feiraco

Termo municipal: Brión

Termo municipal: Ames

Convocatoria actas previas

Proxecto: ramal a Feiraco

Termo municipal: Rois

Instalacións auxiliares - abreviaturas utilizadas: LE=liña eléctrica, PO=posición

Termo municipal: Brión