Dentro do Plan de actividades da Escola Galega de Administración Pública para 1999 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas Xornadas de estudio sobre a conciliación da vida laboral e familiar, convocatoria que se desenvolverá conforme as seguintes bases:
1. Obxectivos.
-Estudia-las novidades lexislativas derivadas da entrada en vigor da Lei de conciliación da vida laboral e familiar.
-Analiza-los dereitos derivados da maternidade e da paternidade e a súa repercusión no emprego e nas condicións de traballo.
-Coñece-los dereitos de traballadores e funcionarios no eido da Seguridade Social, derivados da maternidade ou paternidade e dos permisos parentais.
-Debater sobre os dereitos de lactación e garda legal e a súa efectividade práctica.
-Estudia-la situación de risco durante o embarazo e, en xeral, as peculiaridades da maternidade no que atinxe á prevención de riscos no traballo.
-Aborda-las novas posibilidades e perspectivas de asunción polo pai das súas obrigas e dereitos derivados do parto, adopción ou acollemento.
-Coñecer e debate-las diversas medidas de fomento e as súas liñas de tendencia.
2. Contido.
Trataranse estes temas:
-As directivas 96/34, sobre permiso parental, e 92/85 sobre protección da maternidade.
-Antecedentes, xénese, obxectivos e contido xeral da lei.
-A suspensión do contrato por parto, adopción e acollemento. Novidades lexislativas. No caso dos funcionarios públicos.
-Permiso de lactación e garda legal.
-A excedencia para o coidado de fillos e familiares.
-A situación de risco durante o embarazo. Aspectos laborais e funcionariais e da Seguridade Social.
3. Destinatarios.
Persoal ó servicio da Xunta de Galicia, da Administración local galega e interesados en xeral.
4. Desenvolvemento.
-Horario: mañá e tarde.
-Lugar e datas: as xornadas convocadas desenvolveranse no salón de actos da Escola Galega de Administración Pública (rúa de Madrid 2-4, polígono das Fontiñas, Santiago de Compostela) os días 13 e 14 de decembro de 1999.
5. Inscrición.
-Prazo: remata o xoves, día 9 de decembro de 1999.
-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4,15707, Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP ou por calquera das formas previstas no artigo 38.4º da Lei 30/1992, do 26 de novembro, de réxime xurí
dico das administracións públicas e do procedemento administrativo común. Admitiranse tamén inscricións por telefax: 981 54 63 37.
-Número de prazas: limitado á capacidade do local.
-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obter confirmación da súa posible admisión, chamando por teléfono, o día 10 de decembro, de 10 a 14.45 horas, ós seguintes números: 981 54 62 39 ou 981 54 60 40.
6. Modificacións.
A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de cancelalas, se o escaso número de solicitudes non xustificase a súa realización.
7. Certificación de asistencia.
Entregaráselles, ó remate destas xornadas, a aquelas persoas inscritas que concorresen asiduamente a elas, cando a súa asistencia sexa igual ou superior ó 85% das horas lectivas programadas, e expresarase neste documento a natureza da actividade e as datas da súa realización.
Santiago de Compostela, 11 de novembro de 1999.
Domingo Bello Janeiro
Director da Escola Galega de Administración
Pública