A Dirección Provincial do Servicio Galego de Saúde da Coruña, en virtude das atribucións que lle foron delegadas conforme o establecido na Orde do 21-4-1998 do conselleiro de Sanidade e Servicios Sociais, sobre delegación de competencias en órganos centrais e periféricos do Sergas, convoca o seguinte concurso público, polo procedemento aberto (tramitación anticipada) para a contratación dun servicio de vixilancia e seguridade do edificio e instalacións da dirección provincial, situado na rúa Durán Loriga nº 3.
Servicio: vixilancia e seguridade do edificio e instalacións da Dirección Provincial da Coruña situado na rúa Durán Loriga nº 3.
Orzamento: 3.050.320 ptas., IVE incluído (18.332,793 euros).
Fianza provisional: 2% do orzamento de licitación.
Forma de adxudicación: concurso público, procedemento aberto (tramitación anticipada).
Prazo de execución: desde o 1-1-2000 ata o 31-12-2000.
Admisión de variantes: non se admiten.
Solvencia económica e financeira: acreditarase de acordo co establecido no artigo 16 da Lei 13/1995, de CAP e no prego de cláusulas administrativas particulares.
Solvencia técnica: acreditarase de acordo co establecido no punto 6.2 da folla de especificacións.
Criterios de adxudicación: ver prego de cláusulas administrativas particulares e folla de especificacións.
Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame, na Dirección Provincial do Sergas da Coruña, r/ Durán Loriga, nº 3, 4ª planta, tódolos días laborables, agás os sábados, desde as 9 ata as 14 horas.
Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no rexistro xeral da Dirección Provincial do Sergas da Coruña, antes das 14 horas do vixésimo sexto día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981 18 56 78) ou telegrama no mesmo día, de conformidade co establecido no punto 9 do prego de cláusulas administrativas particulares.
Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Dirección Provincial do Sergas da Coruña, r/ Durán Loriga, nº 3, a partir das 10 horas do décimo primeiro día natural, contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que deberán achega-los licitadores: os documentos que figuran no prego de cláusulas administrativas particulares.
Anuncios: o pagamento do anuncio deste concurso público será por conta do adxudicatario ou adxudicatarios do contrato ou contratos.
A Coruña, 22 de outubro de 1999.
Antonio V. Martínez Calvo
Director provincial da Coruña