Aprobado definitivamente polo Consello da Xunta de Galicia, con data do 17 de xullo de 1998 (DOG do 3 de setembro), o Plan sectorial de infraestructuras de Vilaboa e os proxectos sectoriais que o desenvolven: proxecto de accesos ó parque empresarial de Bértola e proxecto de conexión ós servicios externos para o parque empresarial de Bértola-Vilaboa (Pontevedra), polo que se declara de utilidade pública ós efectos expropiatorios o plan citado.

Vistos os artigos 145 e seguintes da Lei 1/1997, do 24 de marzo, pola que se aprobou a Lei do solo de Galicia, así como os artigos 202 e seguintes do R.D. 3288/1978, do 25 de agosto, polo que se aprobou o Regulamento de xestión urbanística, sométese a información pública o expediente expropiatorio dos bens e dereitos que se precisan ocupar para a execución do mencionado proxecto, de conformidade co plan aprobado.

O expediente esterá exposto no Concello de Pontevedra e no de Vilaboa, e na Delegacion Provincial do Instituto Galego da Vivenda e Solo, en Pontevedra, sita na rúa Alcalde Hevia, nº 7 polo termo dun mes, notificándoselles individualmente ós que aparezan como titulares dos bens e dereitos no expediente, mediante traslado literal da correspondente folla de aprecio e da proposta de fixación dos criterios de valoración, para que poidan formular alegacións no prazo dun mes contado a partir da data de notificación ou da publicación desta resolución no Diario Oficial de Galicia.

Durante o citado prazo, todas aquelas persoas e entidades que se consideren afectadas poderán presenta-las alegacións que consideren oportunas, por triplicado exemplar, na Delegación Provincial do Instituto Galego da Vivenda e Solo en Pontevedra, sita na rúa Alcalde Hevia, nº 7.

Santiago de Compostela, 3 de novembro de 1999.

José Antonio Redondo López

Director xeral do Instituto Galego

da Vivenda e Solo

Relación definitiva de afectados polos accesos ó parque empresarial de Bértola TM. Vilaboa

Relación definitiva de afectados polos accesos ó parque empresarial de Bértola TM. Pontevedra