A Alcaldía presidencia, con data do 3 de novembro de 1999, resolveu:
1. Avocar para si a competencia delegada na Comisión de Goberno, con data do 16 de xullo de 1999, unicamente para o Plan especial de ordenación da zona de servicio do porto da Coruña, sen prexuízo de que se lle dea coñecemento á Comisión de Goberno na próxima sesión que se realice.
2. Aprobar inicialmente o Plan especial de ordenación da zona de servicio do porto da Coruña, que deberá complementarse segundo informe dos técnicos municipais.
3. Publica-lo acordo na forma legalmente prevista.
O que se fai público para xeral coñecemento, co fin de que á vista do expediente que permanecerá exposto ó público de luns a venres, na oficina de planeamento do Servicio Municipal de Urbanismo, desde as 12 ata as 14 horas, poidan formularse as alegacións que se consideren oportunas durante o prazo dun mes, contado a partir do día seguinte ó da publicación deste anuncio no Diario Oficial de Galicia.
Os gastos de publicación deste anuncio satisfaraos o interesado: Autoridade Portuaria da Coruña.
A Coruña, 4 de novembro de 1999.
Salvador Fernández Moreda
Concelleiro delegado