Publicado o acordo do día 22 de setembro de 1999 (DOG nº 192, do 4 de outubro), relativo á publicación das listas para a cobertura con carácter temporal de postos de traballo reservados a persoal laboral reguladas no Decreto 89/1997, do 10 de abril e correspondentes ás categorías 1 e 11 do grupo V, e unha vez finalizados os prazos previstos nos puntos terceiro e cuarto do citado acordo e elaboradas as listas definitivas pola comisión permanente de selección para a cobertura de postos de traballo reservados a persoal laboral na sesión do día 3 de novembro de 1999, a Dirección Xeral da Función Pública

RESOLVE:

Primeiro.-Facer públicas as listas definitivas para a cobertura con carácter temporal de postos de traballo reservados a persoal laboral das categorías 1 e 11 do grupo V (LISTA A) da forma que a continuación se indica:

Anexo I. Figuran os solicitantes incluídos na lista.

Anexo II. Figuran os solicitantes excluídos coa expresión da causa de exclusión.

Segundo.-Os citados anexos atópanse expostos nas seguintes dependencias:

-Dirección Xeral da Función Pública da Consellería da Presidencia e Administración Pública.

-Servicio de Información e Atención ó Cidadán da Consellería da Presidencia e Administración Pública.

-Delegacións provinciais da Consellería da Presidencia e Administración Pública.

-Oficinas comarcais da Consellería da Presidencia e Administración Pública.

Terceiro.-No anexo I, ó que se refire o punto segundo desta resolución, figuran os solicitantes incluídos nas listas das citadas categorías sen prexuízo de que algún destes estean excluídos nalgunha delas

pola propia xestión das listas conforme o disposto no punto sexto do acordo do 22 de setembro de 1999 e o artigo oitavo do Decreto 89/1997, do 10 de abril.

Cuarto.-En todo caso, terán que acreditar no momento no que acepten o posto de traballo que se lles oferte, a documentación precisa, tal e como se dispón na base 4ª da resolución da Dirección Xeral da Función Pública do 30 de xuño de 1999.

Sexto.-Contra esta resolución os interesados poderán interpoñer recurso de alzada perante o conselleiro da Presidencia e Administración Pública no prazo dun mes, contado desde o día seguinte ó da publicación desta resolución no DOG, de acordo co artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 5 de novembro de 1999.

Joaquín López-Rúa Soler

Director xeal da Función Pública