Vacante na Universidade de Santiago de Compostela o posto de traballo que se indica no anexo a

esta resolución e sendo necesaria a súa provisión con carácter urxente,

Este rectorado, en uso das atribucións que ten conferidas e de conformidade co previsto no artigo 6 da Lei 3/1995, de modificación da Lei 4/1988, do 26 de maio, da función pública de Galicia, resolve convocar, polo sistema de libre designación, o antedito posto, con suxeición ás seguintes

Bases da convocatoria

1. Requisitos dos candidatos: poderán concursa-los funcionarios de carreira que reúnan os requisitos que se esixen e e especifican no anexo.

2. Solicitudes.

2.1. As solicitudes dirixiranse ó rector da Universidade de Santiago de Compostela, sendo o prazo de presentación de 15 días hábiles contados a partir do día seguinte ó da publicación da presente convocatoria no Diario Oficial de Galicia.

2.2. A presentación de solicitudes poderá facerse no rexistro xeral da Universidade de Santiago de Compostela, (sito no Colexio de San Xerome, praza do Obradoiro, s/n), no Rexistro do Campus de Lugo, (sito na Vicexerencia, Avda. Bernardino Pardo Ouro, s/n-Polígono de Fingoi), ou na forma prevista no artigo 38 da Lei de réxime xurídico das administracións públicas e do procedemento administrativo común.

2.3. Os erros de feito poderán emendarse en calquera momento de oficio ou por petición do interesado.

3. Méritos: os aspirantes deberán xuntarlle á petición un currículum vitae e xustificar debidamente os méritos que aleguen.

4. Adxudicación de postos: no caso de resultar seleccionado algún funcionario con destino noutra Administración pública, requirirase o informe favorable do departamento ó que figure adscrito.

5. Norma derradeira: contra esta resolución, que esgota a vía administrativa, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ó da súa publicación, de conformidade cos artigos 46 e 10.1º a) da Lei da xurisdicción contencioso-administrativa, aprobada pola Lei 29/1998, do 13 de xullo.

Non obstante, os/as interesados/as poderán interpoñer recurso potestativo de reposición no prazo dun mes perante o órgano que o dictou. Neste caso non se poderá interpoñe-lo recurso contencioso-administrativo anteriormente indicado en tanto non recaia resolución expresa ou presunta do recurso administrativo de reposición, ó abeiro dos artigos 116 e ss. da Lei 30/1992, do 26 de novembro, de réxime xurídico das administracións públicas e do proce

demento administrativo común, modificada pola Lei 4/1999, do 13 de xaneiro.

Santiago de Compostela, 21 de outubro de 1999.

Darío Villanueva Prieto

Rector da Universidade de Santiago de Compostela

ANEXO

Denominación do posto: director/a da Biblioteca Universitaria.

Nivel: 28.

Grupo: A.

Corpo: facultativo de Arquivos, Bibliotecas e Museos ou escala de facultativos de Arquivos e Bibliotecas.

Localidade: Santiago de Compostela.

Complemento específico: 1.703.652 ptas.