No artigo 28 do vixente Estatuto de autonomía de Galicia, no seu punto 2º, establécese a competencia da Comunidade Autónoma galega sobre o desenvolvemento lexislativo, así como a execución lexislativa do Estado en materia de expropiación forzosa.

As obras indicadas no encabezamento da presente resolución están incluídas no programa de obras que se van realizar con cargo ó programa 413-B, de construcción, conservación e explotación de estradas.

Con data do 8 de febreiro de 1999 o director xeral de Obras Públicas e Transportes, por delegación do conselleiro de Política Territorial, Obras Públicas e Vivenda, aprobou o proxecto da obra de trazado da estrada OU-304. Xinzo de Limia-Baltar Fase (II). (Clave N/OU/94.1.1).

Decreto 40/1999, do 11 de febreiro de 1999, polo que se declara a utilidade pública e se dispón a urxente ocupación dos bens e dereitos afectados pola obra de trazado da estrada OU-304. Xinzo de Limia-Baltar Fase (II). (Clave N/OU/94.1.1).

Na súa virtude, e en cumprimento do disposto no artigo 52 da vixente Lei de expropiación forzosa do 16 de decembro de 1954 e concordantes do regulamento para a súa aplicación, este servicio no uso das facultades que lle confire o artigo 98 da mencionada Lei de expropiación forzosa, resolveu convoca-los titulares de bens e dereitos afectados que figuran no taboleiro da Casa do Concello dos Blancos, Xinzo de Limia e Baltar, para os efectos previstos no mencionado artigo 52 e sinala-la data, os lugares e horas que a seguir se citan, para proceder ó levantamento das actas previas á ocupación que recollan os datos necesarios para determina-los dereitos afectados, o valor destes, e os prexuízos derivados da rápida ocupación, sen prexuízo de se trasladar ó lugar dos predios se se considera preciso.

Lugar do levantamento das actas previas: Casa Consistorial de:

Os Blancos:

Data: 25-11-1999.

Hora: 9.30 a 14.

Número predios: 1 ó 35.

Data: 25-11-1999.

Hora: 16 a 19.

Número predios: 36 ó final.

Data: 26-11-1999.

Hora: 9.30 a 14.

Número predios: 1 ó 25.

Data: 26-11-1999.

Hora: 16 a 17.30.

Número predios: 26 ó final.

Baltar:

Data: 29-11-1999.

Hora: 9.30 a 14.

Número predios: 1 ó 30.

Data: 29-11-1999.

Hora: 16 a 19.

Número predios: 31 ó 60.

Data: 30-11-1999.

Hora: 9.30 a 14.

Número predios: 61 ó 90.

Data: 30-11-1999.

Hora: 16 a 18.

Número predios: 91 ó final.

Ó devandito acto deberán acudi-los titulares afectados persoalmente ou ben representados por persoas debidamente autorizadas para actuar no seu nome, xuntando os documentos acreditativos de titularidade, DNI, e o último recibo da contribución, podéndose acompañar, pola súa conta, se o coida preciso, dos seus peritos e notario.

Así mesmo, e en cumprimento do establecido no artigo 56 do regulamento da Lei de expropación forzosa, ábrese información pública durante un prazo de 15 días ou, en todo caso, ata o momento do levatamento das actas previas á ocupación correspondente co fin de que os interesados poidan formular por escrito diante deste Servicio Provincial de Estradas da Xunta de Galicia de Ourense, rúa Sáenz Díez número 1, as alegacións que coiden oportunas co obxecto de emendar posibles erros padecidos ó relaciona-los bens afectados por urxente ocupación.

Ourense, 22 de outubro de 1999.

José Manuel González Sánchez

Xefe do Servicio Provincial de Estradas

de Ourense