De conformidade co disposto no artigo 27.2º da Lei 4/1988, do 26 de maio, da función pública de Galicia, modificada pola Lei 3/1995, de 10 abril, e no artigo 16 do Decreto 93/199l, do 20 de marzo, polo que se aproba o Regulamento de provisión de postos de traballo, promoción profesional e promoción interna e no uso das atribucións conferidas polo artigo 15.4º da referida lei, esta consellería
DISPÓN:
Primeiro.-Anuncia-la convocatoria para cubrir, polo sistema de libre designación, o posto de traballo que se indica no anexo I desta orde.
Segundo.-Poderán concorrer a ela os/as funcionarios/as que reúnan as condicións que para o posto de traballo se sinalan no anexo I.
Terceiro.-As solicitudes para participar nesta convocatoria presentaranse no rexistro xeral da Consellería de Política Territorial, Obras Públicas e Vivenda (edificios administrativos de San Caetano, Santiago de Compostela), nos das súas delegacións provinciais ou nas oficians previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días hábiles, contados a partir do seguinte ó da publicación desta orde no Diario Oficial de Galicia, segundo o modelo de solicitude que se inclúe no anexo II.
Cuarto.-Os aspirantes deberán xuntarlle á súa solicitude un currículum vitae e xustificar, mediante certificación ou copia compulsada, os méritos que aleguen.
Os meritos alegados e non probados da maneira que se sinala no parágrafo anterior non se terán en conta.
Quinto.-Esta convocatoria será resolta pola Consellería de Política Territorial, Obras Públicas e Vivenda.
No caso de resultar seleccionado/a para ocupa-lo posto de traballo que se relaciona no anexo I desta orde un/ha funcionario/a con destino noutra Administración pública, requirirase o informe favorable do departamento no que preste servicios, considerándose favorable de non emitirse no prazo de 15 días, tal como dispón o artigo 67 do Real decreto 364/1995, do l0 de marzo.
Sexto.-A resolución desta convocatoria farase pública no Diario Oficial de Galicia, e poderá, de considerarse oportuno, declararse deserta.
Sétimo.-O prazo de toma de posesión será de tres días hábiles se o destino anterior radica na mesma localidade do novo, ou dun mes se radica en distinta localidade ou comporta o reingreso ó servicio activo.
O prazo de toma de posesión comezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución desta orde no Diario Oficial de Galicia.
Se a resolución comporta o reingreso ó servicio activo, o prazo de toma de posesión deberá computarse desde ó día seguinte ó da publicación da devandita resolución.
Oitavo.-Contra este orde, que esgota á vía administrativa, os interesados poderán interpoñer, potestativamente, recurso de reposición, ante este mesmo órgano no prazo dun mes, contado a partir do día seguinte ó da súa publicación, de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou directamente recurso contencioso-administrativo, no prazo de dous meses contados desde a mesma data, perante o xulgado do contencioso-administrativo da circunscrición na que teña o seu domicilio o demandante ou ben no da Coruña, á súa elección, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 29 de outubro de 1999.
José Cuíña Crespo
Conselleiro de Política Territorial, Obras Públicas e Vivenda
ANEXO I
Código do posto: OT.B01.00.001.15770.051.
Denominación do posto: xefe Área Estudios e Apoio Técnico.
Centro directivo: departamento de Xestión do Dominio Público Hidráulico.
Localidade: Santiago de Compostela.
Corpo ou escala: especial.
Grupo: A, B.
Nivel: 28.
Complemento específico: 1.703.640.
Titulación: 2004 enxeñeiro de Camiños, Canles e Portos.