No Xulgado do Contencioso-Administrativo nº 4 da Coruña tramítase o recurso nº 184/1999 (procedemento abreviado), interposto pola referida aspirante contra a convocatoria do concurso-oposición para o ingreso en determinadas categorías de persoal estatutario (DOG nº 9, do 15 de xaneiro). En concreto, contra a previsión de que poida concorrer ó proceso, pola quenda de promoción interna, o persoal estatutario fixo pertencente ó mesmo grupo de clasificación ou a calquera dos grupos inferiores ó da categoría á que se pretende acceder (base segunda. Punto 3).
O que se notifica para xeral coñecemento de tódalas persoas interesadas no procedemento e son emprazadas para que poidan constituírse en parte no xulgado, como demandados, no prazo de nove días, de conformidade co previsto no artigo 49 da Lei 29/1998, do 13 de xullo, regulamentadora da xurisdicción contencioso-administrativa.
Santiago de Compostela, 18 de outubro de 1999.
Valeriano Martínez García
Director xeral da División de Recursos Humanos