O Xurado Provincial de Clasificación de Montes Veciñais en Man Común de Ourense acordou, en sesión celebrada o día 18 de novembro de 1998, inicia-lo expediente de clasificación como veciñal
en man común do monte denominado Monte Rudeiro, e coas características que de seguido se relacionan, nomeándose instructores do expediente a Manuel Bouzas Costa e Miriam López Areal, en virtude do punto terceiro do acordo da reunión de data 30 de setembro de 1998.
Publícase de acordo co establecido no artigo 23.2º do Decreto 260/1992, do 4 de setembro (DOG nº 186, do 23), polo que se aproba o regulamento para a execución da Lei 13/1989, do 10 de outubro, de montes veciñais en man común.
Concello: Ourense.
Monte denominado: Monte Rudeiro.
Comunidade propietaria: veciños de Pradobó, parroquia de Palmés.
Superficie: 11 ha aproximadamente.
Estremas:
Norte: monte comunal do Pereiro.
Sur: monte comunal de Amoeiro.
Leste: propiedades de Pradobó: Cándido Fernández, José Iglesias, Concepción Hermilla, José Araújo Fernández, Constantino Álvarez Pérez, Eduardo Rodríguez, Claudio Fernández.
Oeste: monte comunal do concello de Amoeiro.
Iníciase a apertura do período dun mes para a práctica de alegacións a partir do día seguinte ó da publicación do edicto no Diario Oficial de Galicia.
Ourense, 21 de setembro de 1999.
Miriam López Areal
Secretaria do Xurado Provincial de Clasificación de Montes Veciñais en Man Común de Ourense
Visto e prace
Agustín Prado Verdeal
Presidente do Xurado Provincial de Clasificación de Montes Veciñais en Man Común de Ourense