Nesta delegación provincial séguese expediente sancionador número P-27/1999, contra a entidade Os do Resero, S.L. e a empresa operadora Automáticos Recreativos Vigueses, S.L. por presunta infracción da Lei 14/1985,d o 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de apertura e prego de cargos por resultar descoñecido o domicilio da empresa operadora Automáticos Recreativos Vigueses, S.L.

Acordo de apertura.

O director xeral de Interior, por delegación do conselleiro de Xustiza, Interior e Relacións Laborais, coa data do 12 de xullo de 1999, adoptou o seguinte acordo:

Vista a acta número 01/150699, coa data do 15 de xuño de 1999, levantada pola Inspección de Xogo no establecemento público denominado Bar Os do Resero sito en r/ Finca Vieiro-estrada de Crecente do concello da Cañiza, remitida con proposta de apertura de expediente sancionador pola Delegación Provincial desta consellería de Pontevedra (escrito coa data do 21-6-1999).

Considerando que os feitos denunciados puideran ser constitutivos dalgunha das infraccións tipificadas nos artigos 28 e seguintes da Lei 14/1985, do 23 de outubro (regulada dos xogos e apostas en Galicia), modificada pola Lei 7/1991, do 19 de xuño (de tributación sobre o xogo, disposición adicional terceira).

ACORDA:

1º Incoar expediente sancionador, de acordo co establecido na Lei 34/1987, do 26 de decembro,

de potestade sancionadora da Administración pública en materia de xogos de sorte, envite ou azar, contra:

-A empresa operadora Automáticos Recreativos Vigueses, S.L.

-O titular ou responsable do establecemento Os do Resero, S.L., CIF B-36281152.

2º Nomear instructor e secretaria deste respectivamente a:

-Juan Girón Astray

-Clara Eugenia García Bermúdez.

3º Non adoptar ningunha medida provisional en razón a que xa achegou a documentación da que carecía.

Prego de cargos.

Primeiro.-Te-la empresa operadora Automáticos Recreativos Vigueses, S.L., o día 15 de xuño de 1999 instalada no establecemeno público denominado Bar Os do Resero sito na r/ Finca Vieiro, estrada de Crecente do concello da Cañiza da titularidade de Os do Resero, S.L., CIF B-36281152, unha máquina recreativa tipo B modelo 2027-B, serie 99J-50, guía de circulación número 1437752, carecendo de habilitación de titular de local, de autorización de explotación da máquina recreativa, do boletín de instalación e do adhesivo da taxa fiscal de xogo, da Xunta de Galicia para o ano en curso.

Segundo.-Tales feitos poden ser constitutivos de infracción moi grave ou grave tipificada no artigo 28 e seguintes da Lei 14/1985, do 23 de outubro (reguladora dos xogos e apostas en Galicia), modificada pola Lei 7/1991, do 19 de xuño (de tributación sobre xogo, disposición adicional terceira).

O que se notifica de acordo co disposto no artigo 7 da Lei 34/1987, do 26 de decembro de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días para presentar o prego

de descargos, no que poderá solicita-lo recibimento a proba do expediente na forma previda no punto 2 b) do citado precepto legal.

Pontevedra, 6 de outubro de 1999.

Juan Girón Astray

Instructor