Aprobado por resolución da Alcaldía do 25 de outubro de 1999 o prego de condicións xurídicas e económico-administrativas que rexerá no concurso público, con procedemento aberto, tramitación urxente, para a contratación da consultoría e asistencia técnica para a redacción do proxecto técnico de remodelación da intersección da rúa Xeneral Franco coa rúa Pedro Castiñeiras e substitución do actual paso baixo a ponte de Feve por outro de nova construcción, exponse ó publico polo prazo de oito días, contados a partir do seguinte ó da derradeira publicación deste anuncio no BOP ou no DOG. Así mesmo, publícase o seguinte anuncio de licitación, se ben esta quedará aprazada cando sexa necesario no suposto de que se formulen reclamacións contra o prego de condicións.
Anuncio de concurso.
Obxecto: a contratación da asistencia técnica para redacción do proxecto técnico de remodelación da intersección da rúa Xeneral Franco coa rúa Pedro Castiñeiras e substitución do actual paso baixo a ponte de Feve por outro de nova construcción.
Orzamento: cinco millóns de pesetas, IVE incluído.
Información: Secretaría Municipal-Negociado de Contratación.
Proposicións: poderán presentarse no rexistro xeral, Negociado de Contratación ata as 14 horas do día dentro do prazo de trece días naturais contados desde o seguinte ó da derradeira publicación do anuncio de licitación no BOP o no DOG.
Gastos de anuncios: os gastos do presente anuncio serán por conta do/s adxudicatario/s.
Ortigueira, 26 de outubro de 1999.
Antonio Campo Fernández
Alcalde